மக்கள் மன்ற முக்கிய நிர்வாகிக்கும் திமுக புள்ளிக்கும் ரகசிய டீல்... ரஜினி 'ஷாக்'
ரஜினி மக்கள் மன்றத்தின் முக்கிய நிர்வாகி ஒருவர் திமுக புள்ளியுடன் ரகசிய தொடர்பில் இருக்கிறாராம்.
சென்னை: அமெரிக்காவில் இருந்து ரஜினி திரும்பியுள்ள நிலையில், தமது மக்கள் மன்றத்தின் செயல்பாடுகள் குறித்து ஆலோசித்திருக்கிறார். இந்த ஆலோசனையை மன்றத்தின் நேரடி தொடர்பில் இல்லாத பிரமுகர்கள் மூலம் நடத்தினாராம்.
தொடக்கத்திலிருந்தே மன்றத்தின் செயல்பாடுகளை கவனிக்க சிலரை ஏற்பாடு செய்து வைத்திருக்கிறார் ரஜினி. அவர்கள் அவ்வப்போது மன்றத்தின் நிகழ்வுகளை அறிக்கைகளாக தந்து வருகின்றனர்.
அமெரிக்காவிலிருந்து திரும்பிய ரஜினியிடம் சில தகவல்கள் தரப்பட்டுள்ளன. குறிப்பாக, மக்கள் மன்றத்தின் முக்கியமான நிர்வாகிகள் பற்றியுமான தகவல்கள்தானாம் அவை.
மன்றத்தை 'தனி ஒருவனாக' நடத்த இருவருமே மறைமுக அரசியல் செய்து வருகின்றனர். இது தொடரும்பட்சத்தில், எதிர்காலத்தில் உங்களின் அரசியலை அது பலவீனமாக்கும் எனவும் தகவல் தந்துள்ளனர்.
மேலும், திமுகவைச் சேர்ந்த மிக முக்கியமான நபர் ஒருவருடன் மன்றத்தின் முக்கிய நிர்வாகி ரகசிய தொடர்பில் இருப்பதாக ரஜினியிடம் தெரிவிக்கப்பட்டுள்ளது.