ஸ்டாலின் சவாலை ஏற்க மோடியின் காவித் தொண்டர்கள் தயார்.. இது எச். ராஜா!
Recommended Video
சென்னை: சவாலை ஏற்க மோடியின் காவித் தொண்டர்கள் தயார் நிலையில் உள்ளனர் என்று ஸ்டாலினுக்கு எச் ராஜா பதிலடிக் கொடுத்துள்ளார்.
திமுக தலைவராக மு.க.ஸ்டாலின் இன்று பதவி ஏற்றுக் கொண்டார். இதையடுத்து அவர் ஏற்புரை நிகழ்த்தினார். அப்போது ஸ்டாலின் மத்திய மாநில அரசுகளை கண்டித்து பேசினார்.
அவர் கூறுகையில் மதவெறியால் மத்திய அரசு மக்களாட்சி மாண்பை குலைக்கும் செயல்களில் ஈடுபடுகிறது பிற மொழிகளை அழித்து இந்தியா முழுவதற்கும் மதசாயம் பூச நினைக்கும் கட்சிகளை எதிர்ப்பது எனது கனவு.
இந்தியா முழுவதும் காவி வண்ணம் அடிக்க நினைக்கும் மோடி அரசுக்கு பாடம் புகட்ட வேண்டும். முதுகெலும்பு இல்லாத இந்த மாநில அரசை தூக்கி எறிய வேண்டும் என்றார் ஸ்டாலின்.
திமுக தலைவராக @mkstalin பொறுப்பேற்றுள்ள ஸ்டாலின் அவர்களுக்கு வாழ்த்துக்கள். சவாலை ஏற்க்க மோடியின் காவித் தொண்டர்கள் தயாராகவே உள்ளோம். களம் காண்போம்.@KanimozhiDMK pic.twitter.com/zqRxp1Cu9C
— H Raja (@HRajaBJP) August 28, 2018
இதற்கு எச் ராஜா பதிலடிக் கொடுத்துள்ளார். அதில் அவர் தனது டுவிட்டர் பக்கத்தில் கூறுகையில், திமுக தலைவராக பொறுப்பேற்றுள்ள ஸ்டாலின் அவர்களுக்கு வாழ்த்துக்கள். சவாலை ஏற்க மோடியின் காவித் தொண்டர்கள் தயாராகவே உள்ளோம். களம் காண்போம் என்று பதிவில் குறிப்பிட்டுள்ளார்.