அலறவிட்ட மெர்சல் படத்தை நெட்டில் பார்த்தாராம் எச் ராஜா!
பாஜகவை அலறவிட்ட மெர்சல் படத்தை அக்கட்சியின் தேசிய செயலாளரான எச்.ராஜா இணையதளத்தில் பார்த்ததாக தெரிவித்துள்ளார்.
சென்னை: பாஜகவை அலறவிட்ட மெர்சல் படத்தை அக்கட்சியின் தேசிய செயலாளரான எச்.ராஜா இணையதளத்தில் பார்த்ததாக தெரிவித்துள்ளார்.
பாஜகவின் டிஜிட்டல் இந்தியா, ஜிஎஸ்டி உள்ளிட்டவை மெர்சல் படத்தில் விமர்சிக்கப்பட்டுள்ளது. இதனால் அதிருப்தி அடைந்த பாஜகவினர் அப்படத்திற்கு எதிராக போர்க்கொடி தூக்கியுள்ளனர்.
இதற்கு எதிர்ப்பு தெரிவித்துள்ள எதிர்க்கட்சிகள் மெர்சல் படத்துக்கு ஆதரவு தெரிவித்துள்ளன. மெர்சல் படம் அரசியல் ரீதியில் பெரிதும் பேசப்படுவதால் அதனை பார்க்க மக்கள் ஆர்வம் காட்டி வருகின்றனர்.
இந்நிலையில் புதிய தலைமுறையின் அக்னிப்பரீட்சை நிகழ்ச்சியின் புரோமோ வெளியிடப்பட்டுள்ளது. அதில் பங்கேற்றுள்ள எச் ராஜாவிடம் மெர்சல் படம் பார்த்துவிட்டீர்களா என தொகுப்பாளர் கேள்வி எழுப்புகிறார்.
அதற்கு பார்த்துவிட்டேன், நெட்டில் பார்த்தேன் என அசால்ட்டாக பதிலளிக்கிறார் எச் ராஜா. மெர்சல் படத்திற்கு செலவில்லாமல் பாஜக தலைவர்கள் விளம்பரம் தேடி தந்துள்ளனர் என்பது குறிப்பிடத்தக்கது.