ஸ்டாலின் தேர்தல் செலவு கணக்கு- தாக்கல் செய்ய தேர்தல் கமிஷனுக்கு ஹைகோர்ட் உத்தரவு

2011 சட்டசபை தேர்தலில் ஸ்டாலின் தேர்தல் செலவு கணக்கை தாக்கல் செய்ய உத்தரவிடப்பட்டுள்ளது. தேர்தல் ஆணையத்துக்கு சென்னை ஹைகோர்ட் உத்தரவிட்டுள்ளது.

சென்னை: திமுக பொருளாளர் மு.க. ஸ்டாலினின் தேர்தல் கணக்கை தாக்கல் செய்ய தேர்தல் ஆணையத்துக்கு சென்னை உயர்நீதிமன்றம் உத்தரவிட்டுள்ளது.

2011-ம் ஆண்டு தேர்தலில் கொளத்தூர் தொகுதியில் ஸ்டாலின் வெற்றி பெற்றார். அவரது வெற்றியை எதிர்த்து அதிமுக வேட்பாளராக போட்டியிட்ட சைதை துரைசாமி வழக்கு தொடர்ந்தார்.

சைதை துரைசாமி தம்முடைய மனுவில், முறைகேடுகள் மூலமாக ஸ்டாலின் வென்றார். ஆகையால் அவரத் வெற்றி செல்லாது என அறிவிக்க கோரியிருந்தார். இவ்வழக்கை நீதிபதி வேணுகோபால் விசாரித்து வருகிறார்.

இவ்வழக்கு விசாரணைக்காக ஸ்டாலின் நீதிமன்றத்தில் நேரிலும் ஆஜராகி வருகிறார். இன்றைய விசாரணையின் போது, ஸ்டாலினின் தேர்தல் செலவு கணக்குகளை தேர்தல் ஆணையம் வரும் 11-ந் தேதிக்குள் தாக்கல் செய்ய நீதிபதி வேணுகோபால் உத்தரவிட்டார்.

English summary

Madras High Court today ordered to the Election Commission to sumbit the DMK Treasuer MK Stalin's 2011 Assembly election expenditure report.