• search
For Quick Alerts
ALLOW NOTIFICATIONS  
For Daily Alerts

அனல் காற்று வீசுதே..... பற்றி எரியும் திருத்தணியில் 110 டிகிரி பாரன்ஹீட் வெப்பம் பதிவு

By Mayura Akilan
|

சென்னை: தமிழகத்தில் சில மாவட்டங்களில் அனல் காற்று, பல மாவட்டங்களில் சூறைக்காற்று என தாக்கி வருகிறது. திருத்தணியில் காலை முதலே வெயில் கொளுத்தி வருகிறது. 10 மணியிலேயே 110 டிகிரி பாரன்ஹீட் வெயில் பதிவானதால் மக்கள் வீடுகளுக்குள் முடங்கினர்.

தமிழகத்தில் கடந்த சில வாரங்களாகவே பல பகுதிகளில் 110 டிகிரி பாரன்ஹீட் வெப்பம் பதிவாகி வருகிறது. திருத்தணியில் 111 டிகிரி பாரன்ஹீட் வெப்பம் பதிவானது. வேலூரில் 110 டிகிரி கொளுத்தியது. மாலை நேரத்தில் திருத்தணியில் மழை பெய்து குளுமையை ஏற்படுத்தியது.

Heat wave warning in Vellore Salem district

வெயில் மற்றும் வெப்பம் காரணமாக சிவகங்கை, திண்டுக்கல், வாடிப்பட்டி உள்ளிட்ட உள் தமிழகத்தில் சில இடங்களில் இடியுடன் கூடிய மழை பெய்தது. அதனால் அந்த பகுதியில் சற்று வெப்பம் தணிந்தது.

கடந்த வாரம் முதல் தெற்கு ஆந்திராவில் அனல் காற்று வீசிவருகிறது. அதன் தொடர்ச்சியாக தமிழகத்தில் வட மாவட்டங்களில் சில இடங்களில் நேற்றும் அனல்காற்று வீசியது. இன்றும் காலை முதலே பல மாவட்டங்களில் அனல் காற்று வீசி வருகிறது.

தெற்கு ஆந்திராவில் அனல் காற்று வீசுவதை அடுத்து தமிழகத்தில் வடமேற்கு மாவட்டங்களான வேலூர், தர்மபுரி, கிருஷ்ணிகிரி, சேலம் ஆகிய நான்கு மாவட்டங்களில் இன்று அனல் காற்று வீசும் என்று வானிலை ஆய்வு மையம் எச்சரித்துள்ளது. எனவே 4 மாவட்டங்களை சேர்ந்த பொதுமக்கள் பகல் நேரத்தில் வெளியில் வர வேண்டாம் என அறிவுறுத்தப்பட்டுள்ளனர்.

இன்று காலை முதலே திருத்தணி, வேலூரில் அனல் காற்று வீசுகிறது. காலை முதலே 110 டிகிரி பாரன்ஹீட் பதிவாகியுள்ளதால் மக்கள் வீடுகளுக்குள் முடங்கியுள்ளனர். வெயில் மற்றும் வெப்ப காற்று வீசுவது மேலும் இரண்டு நாட்களுக்கு நீடிக்கும் என்று எதிர்பார்க்கப்படுகிறது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The department has issued a heat wave warning for places in northwest Tamil Nadu like Vellore, Dharmapuri, Krishnagiri and Salem on Tuesday
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more