தமிழகத்துக்கு பாஜக அரசு செய்ததை பட்டியலிட நான் ரெடி, நீங்க ரெடியா? ஸ்டாலினுக்கு தமிழிசை சவால்!
தமிழகத்துக்கு பாஜக அரசு செய்ததை பட்டியலிட நான் தயார், ஸ்டாலின் தயாரா என தமிழிசை சவால் விடுத்துள்ளார்.
சென்னை: தமிழகத்துக்கு பாஜக அரசு செய்ததை பட்டியலிட நான் தயார், திமுக செய்ததை பட்டியலிட ஸ்டாலின் தயாரா என தமிழிசை சவால் விடுத்துள்ளார்.
ராமநாதபுரம் மாவட்டம் பார்த்திபனூரில் மத்திய அமைச்சர் நிர்மலா சீதாராமன் வருகைக்கு எதிர்ப்பு தெரிவித்து கருப்புக்கொடியுடன் திமுகவினர் போராட்டம் நடத்தினர். அப்போது நிர்மலா கார் மீது செருப்பு மற்றும் கற்கள் வீசப்பட்டதால் பரபரப்பு நிலவியது.
காவிரி விவகாரம் குறித்து அலட்சியமாக பேசிய நிர்மலா சீதாராமன், பரமக்குடி அருகே கள்ளிக்குடியில் நடைபெற்ற நிகழ்ச்சியில் பங்கேற்க வந்ததற்கு எதிர்ப்பு தெரிவித்து கருப்புக்கொடி போராட்டம் நடத்தப்பட்டது.
இந்நிலையில் தமிழக பாஜக தலைவர் தமிழிசை சவுந்தரராஜன் சென்னையில் செய்தியாளர்களிடம் பேசினார். அப்போது மத்திய அமைச்சர் நிர்மலா சீதாராமனுக்கு கறுப்புக்கொடி காட்டியதற்கு அவர் கடும் கண்டனம் தெரிவித்தார்.
மேலும் காவிரி விவகாரத்தில் செய்த தவறை மறைக்கவே திமுகவினர் கறுப்புக்கொடி காட்டுவதாகவும் அவர் கூறினார். தமிழகத்துக்கு பாஜக அரசு செய்ததை பட்டியலிட நான் தயார், திமுக செய்ததை பட்டியலிட ஸ்டாலின் தயாரா என தமிழிசை சவால் விடுத்தார்.