ஜாக்கி சான் சட்டையில் "கபாலி".. அடங்காமல் வாலாட்டும் போட்டோஷாப் புலிகள்!
சென்னை: ரஜினியின் கபாலி பட போஸ்டர் அச்சிடப்பட்ட வெள்ளை நிற டீசர்ட்டை அணிந்து ஜாக்கிசான் போஸ் கொடுப்பது போன்ற புகைப்படம் இணையத்தில் வைரலாகப் பரவி வருகிறது.
ஆனால் உண்மையில் அது டுபாக்கூர் படம் பாஸ். அந்த வெள்ளை டீசர்ட்டைப் போட்டு, ஏன் தான் அப்படி போஸ் கொடுத்தோமோ என ஜாக்கிசானே பீல் செய்யும் அளவிற்கு நெட்டிசன்கள் வச்சு செய்து வருகிறார்கள்.
ஜாக்கிசான் வெள்ளை நிற அணிந்து, தன் நெஞ்சுப்பகுதியை ஆள்காட்டி விரலால் குறிப்பது போன்ற புகைப்படம் எப்போது எடுக்கப்பட்டது எனத் தெரியவில்லை.
போட்டோஷாப்...
ஆனால், அந்தப் புகைப்படத்தில் ஜாக்கிசான் விரலால் சுட்டிக் காட்டும் இடத்தில் நெட்டிசன்கள் தங்கள் இஷ்டப்படி புகைப்படங்களை போட்டோஷாப் மூலம் அச்சிட்டு கொண்டாடி வருகின்றனர்.
விதவிதமான படங்கள்...
இணையத்தில் தேடினால், ஜாக்கிசானின் வெள்ளை டீசர்ட்டில் அத்தனை உருவங்கள் அச்சிடப்பட்ட விதவிதமான டீசர்கள் அணிவகுக்கின்றன. ஒவ்வொன்றும் ஒவ்வொரு ரகம்.
கபாலிடா...
இந்நிலையில், தற்போது அந்தப் பட்டியலில் ரஜினியின் கபாலி போஸ்டரையும் சேர்த்து விட்டுள்ளனர். இது யார் செய்த வேலை எனத் தெரியவில்லை. ஆனால், நிச்சயம் அவர் ரஜினியின் தீவிர ரசிகராகத் தான் இருக்க வேண்டும்.
ரஜினி ரசிகர்...
ஜாக்கியின் வெள்ளை நிற டீசர்ட்டில் ரஜினியின் கபாலி படத்தை போட்டோஷாப் முறையில் ஒட்ட வைத்து, பின்னணியிலும் போஸ்டர்களை வரிசை கட்ட வைத்துள்ளனர். கூடவே இந்தப் படத்தை இணையத்தில் பரப்பி, ‘ஜாக்கிசானும் ரஜினியின் ரசிகராகி விட்டதாக' புகழ் பாடி வருகின்றனர்.
எதிர்பார்ப்பு...
ஏற்கனவே, பா.ரஞ்சித் இயக்கத்தில் ரஜினி நடித்துள்ள கபாலி படத்தின் டீசரை பார்த்தவர்களின் எண்ணிக்கை சாதனை புரிந்துள்ளது. இந்நிலையில் இது போன்ற புகைப்படங்கள் கபாலி மீதான எதிர்பார்ப்பை மேலும் எகிற வைத்துள்ளது.
பில்லா 2...
முன்னதாக அஜித்தின் பில்லா 2 படம் வெளியானபோது, இதேபோல் ஜாக்கியின் டீ சர்ட்டியிலும், பின்புறம் சுவற்றிலும் அப்படத்தின் போஸ்டரை ஒட்டவைத்து நெட்டிசன்கள் அழகு பார்த்துள்ளனர் என்பது குறிப்பிடத்தக்கது.