• search
For Quick Alerts
ALLOW NOTIFICATIONS  
For Daily Alerts

தவறான சிகிச்சை.. மேட்டூரில் கண் பார்வை பாதிக்கப்பட்ட 23 பேருக்கும் தலா ரூ. 3 லட்சம் உதவி-ஜெ. உத்தரவு

|

சேலம்: மேட்டூர் அரசு மருத்துவமனையில் தவறான கண் அறுவைச் சிகிச்சையால் பார்வை பாதிக்கப்பட்ட 23 பேருக்கும் தலா ரூ. 3 லட்சம் நிதியுதவு வழங்க தமிழக முதல்வர் ஜெயலலிதா உத்தரவிட்டுள்ளார்.

கடந்த மாதம் மேட்டூரில் உள்ள அரசு மருத்துவமனையில் 14ம் தேதி ஏழு பேருக்கும், 15ம் தேதி எட்டு பேருக்கும், 16ம் தேதி எட்டு பேருக்கும் என மொத்தம் 23 பேருக்கு கண் புரை அறுவைச் சிகிச்சை நடைபெற்றது. சிகிச்சை முடிந்து, இரு நாட்களுக்கு பின், நோயாளிகள் வீட்டுக்கு அனுப்பப்பட்டனர். அவர்களது கண்களில் ஊற்றுவதற்காக சொட்டு மருந்து வழங்கப்பட்டது.

Jaya announces relief fund for eye operation victims

ஆனால், அறுவைச் சிகிச்சை செய்து கொண்ட 23 பேருக்கும் கண்ணில் புண் ஆறவில்லை. பார்வையும் பறிபோகத் தொடங்கியது. இது தொடர்பாக பாதிக்கப்பட்டவர்களின் உறவினர்கள் மருத்துவமனைக்கு திரண்டு வந்து வாக்குவாதத்தில் ஈடுபட்டதால் பெரும் பரபரப்பு ஏற்பட்டது.

தவறான ஆபரேசன் காரணமாக கண் பார்வை பாதிக்கப்பட்டிருக்கலாம் என்ற தகவலும் பரவியது. எனவே, இதுபற்றி சேலம் மாவட்ட சுகாதாரதுறை உயர் அதிகாரிகள் விசாரணை நடத்தி வருகின்றனர்.

கண்பார்வை பார்வை பாதிக்கப்பட்டுள்ளவர்களை அமைச்சர் விஜயபாஸ்கர், அமைச்சர் வேலுமணி, அமைச்சர் எடப்பாடி பழனிச்சாமி ஆகியோர் நேரில் சந்தித்து ஆறுதல் கூறினர்.

பாதிக்கப்பட்டவர்களில் பலருக்கு மீண்டும் கண்பார்வை திரும்ப வாய்ப்பில்லை என மருத்துவர்கள் தெரிவித்தனர். இதனால் பாதிக்கப்பட்டவர்கள் சேலம் மாவட்ட ஆட்சியர் அலுவலகத்தில் கண்ணில் கட்டுடன் அமர்ந்து தர்ணா போராட்டத்தில் ஈடுபட்டனர்.

இது தொடர்பாக அதிகாரிகள் தொடர்ந்து விசாரணையில் ஈடுபட்டு வருகின்றனர்.

இந்நிலையில் கண் அறுவைச் சிகிச்சையால் பார்வை பாதிக்கப்பட்ட 23 பேருக்கும் தலா ரூ. 3 லட்சம் நிதியுதவி அளிக்க முதல்வர் ஜெயலலிதா இன்று உத்தரவிட்டுள்ளார். மேலும், இவர்களில் 21 பேருக்கும் மாதம் ஆயிரம் ரூபாய் ஓய்வூதியமாக வழங்கப்படும் எனவும் அறிவிக்கப்பட்டுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The chief minister Jayalalithaa has announced relief fund for Salem, Metur eye operation victims.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more