ஜெ.வுக்கு 110 மேனியா…. விஜயகாந்த் கிண்டல்
கிருஷ்ணகிரி: தமிழக முதல்வர் ஜெயலலிதாவிற்கு ‘110 மேனியா' தாக்கியுள்ளது என்று தேமுதிக தலைவர் விஜயகாந்த் கூறியுள்ளார்.
கிருஷ்ணகிரி லோக்சபா தொகுதி பா.ம.க. வேட்பாளர் ஜி.கே.மணியை ஆதரித்து காவேரிப்பட்டினத்தில் தே.மு.தி.க. தலைவர் விஜயகாந்த் பிரசாரம் மேற்கொண்டார்.
அப்போது பேசிய அவர், தமிழகத்தின் பல்வேறு இடங்களில் குடிநீர் தட்டுப்பாடு நிலவுகிறது. ஒகேனக்கல் கூட்டுக்குடிநீர் திட்டம் கொண்டு வந்ததாக தி.மு.க., அ.தி.மு.க. பிரசாரம் செய்கின்றன.
இந்த திட்டம் அமலுக்கு வந்தும் கிருஷ்ணகிரியில் குடிநீர் தட்டுப்பாடு நிலவுவது ஏன்? என்று கேள்வி எழுப்பினார்.
தொடர்ந்து பேசிய அவர், சட்டசபையில் அறிவிப்புகள் எல்லாமே 110தான். முதல்வருக்கு 110 மேனியா பீடித்துள்ளது. யாரும் எதுவும் கேட்க முடியாது என்றார் விஜயகாந்த்.
தமிழகத்தில், மின் தட்டுப்பாட்டால் சிறுதொழில், விவசாயம் உள்ளிட்டவை பாதிக்கப்பட்டுள்ளன. குடிநீர், மின் தட்டுப்பாட்டை நரேந்திர மோடி போக்குவார்" என்றும் விஜயகாந்த் உறுதியளித்தார்.