• search
For Quick Alerts
ALLOW NOTIFICATIONS  
For Daily Alerts

தமிழகத்திற்கு தற்காலிக முதல்வர் அவசியமில்லை... சென்னை உயர்நீதிமன்றம் அதிரடி!

By Mayura Akilan
|

சென்னை: தமிழகத்திற்கு தற்காலிக முதல்வரை அறிவிக்க வேண்டிய அவசியமில்லை என்று சென்னை உயர்நீதிமன்றம் கூறியுள்ளது. ஜெயலலிதா உடல் குறித்த விபரங்களை தெரிவிக்கக் கோரி டிராபிக் ராமசாமி தாக்கல் செய்த பொது நல மனுவை விசாரித்த உயர்நீதிமன்றம் இவ்வாறு உத்தரவிட்டுள்ளது.

தமிழக முதல்வர் ஜெயலலிதா கடந்த செப்டம்பர் 22ம் தேதி முதல் அப்பல்லோ மருத்துவமனையில் சிகிச்சை பெற்று வருகிறார். இதுவரை 5க்கும் மேற்பட்ட அறிக்கைகளை மட்டுமே மருத்துவமனை வெளியிட்டுள்ளது. ஜெயலலிதாவின் உடல்நிலை குறித்து பல்வேறு வதந்திகள் பரவி வருகிறது.

Jayalalitha health: No need to name a stand in for Tamil Nadu CM - HC

இதனையடுத்து கடந்த அக்டோபர் 3ஆம் தேதி முதல்வர் ஜெயலலிதாவின் உடல் நலம் குறித்த விபரங்களை வெளியிட தமிழக தலைமை செயலாளர்,உள்துறை செயலாளர்,அப்போலோ மருத்துவமனை ஆகியவற்றுக்கு உத்தரவிட வேண்டும் என கோரி சமூக நல ஆர்வலர் டிராபிக் ராமசாமி,சென்னை உயர் நீதிமன்றத்தில் மனு செய்திருந்தார்.

ஜெயலலிதா குணமாகி வரும் வரை,புதிய முதலமைச்சரை நியமிக்க வேண்டும் எனவும் அவர் அந்த மனுவில் குறிப்பிட்டிருந்தார். இந்த வழக்கை அவசர வழக்காக கருதி,விரைவாக விசாரிக்க வேண்டும் எனவும் உயர்நீதிமன்றத்தில் டிராபிக் ராமசாமி கோரிக்கை விடுத்திருந்தார். இதனை ஏற்றுக்கொண்ட நீதிபதிகள், 6ம் தேதியன்று வழக்கை விசாரணைக்கு எடுத்துக் கொள்வதாக தெரிவித்திருந்தனர்.

அதன்படி இன்று காலை இந்த மனுவை விசாரித்த சென்னை உயர்நீதிமன்ற தலைமை நீதிபதி சஞ்சய் கிஷன் கவுல் தலைமையிலான அமர்வு, அந்த மனுவை தள்ளுபடி செய்து உத்தரவிட்டார். டிராபிக் ராமசாமி சார்பில் ஆஜரான வழக்கறிஞர், முதல்வர் நலம்பெற்று வீடு திரும்பும் வரை செயல்முதல்வரை நியமிக்க வேண்டும் எனவும், அவரது புகைப்படத்தை வெளியிட உத்தரவிட வேண்டும் என்றும் கோரிக்கை விடுத்தார்.

அதற்கு தலைமை நீதிபதி கவுல், இந்த பொதுநல மனு விளம்பரத்திற்காகவும், அரசியல் காரணங்களுக்காக தொடரப்பட்டிருப்பதாகவும்,சிகிச்சையில் இருக்கும் முதல்வரின் புகைப்படத்தை வெளியிடக் கோருவதை ஏற்க முடியாது எனவும் தெரிவித்தார். மேலும் தற்காலிக முதல்வரை நியமிக்கும் கோரிக்கையும் அவர் நிராகரித்தார்.

இதனைத் தொடர்ந்து செய்தியாளர்களிடம் பேசிய வழக்கறிஞரும் ராஜ்யசபா எம்.பியுமான நவநீதிகிருஷ்ணன், முதல்வரின் உடல்நிலை குறித்து டிராபிக் ராமசாமி தாக்கல் செய்த மனுவை உயர்நீதிமன்றம் தள்ளுபடி செய்து விட்டது என்று கூறினார். தமிழகத்திற்கு தற்காலிக முதல்வர் அவசியமில்லை

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The Madras Highcourt said that there is no need to name a stand in for Tamil Nadu Chief Minister, J Jayalalithaa.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more