For Quick Alerts
ALLOW NOTIFICATIONS  
For Daily Alerts
Oneindia App Download

கொள்கை வைரம் கருணாநிதி... கி. வீரமணி எக்ஸ்க்ளூசிவ் வாழ்த்து - வீடியோ

சட்டசபையில் வைரவிழா காணும் கருணாநிதி கொள்கை வைரம் என்று தி.க தலைவர் கி. வீரமணி பிறந்தநாள் வாழ்த்து கூறியுள்ளார்.

By Mayura Akilan
Google Oneindia Tamil News

சென்னை: 94வது பிறந்தநாள் கொண்டாடும் சட்டசபை வைரவிழா நாயகர் திமுக தலைவர் கருணாநிதிக்கு திராவிட இயக்கத்தலைவர் கி.வீரமணி பிறந்தநாள் வாழ்த்து கூறியுள்ளார்.

மானமிகு சுயமரியாதைக்காரன் என்று தன்னைப்பற்றிய ஒரு வரி விமர்சித்துக்கொண்ட திராவிடர் இயக்கத் திண்தோள் வீரர் - வித்தகர் - நம்முத்தமிழ் அறிஞர் கலைஞர் அவர்கள் 94 ஆம் ஆண்டில் அடியெடுத்து வைக்கிறார்!

K Veeramani wishes Karunanidhi on his 94th birthday

அவர் நெருக்கடியை எதிர்த்து நின்று வென்றவர். கருணாநநிதி ஓர் பன்முக வித்தகர்; பல்கலைக் கொள்கலன்! எழுத்து, பேச்சு, நாடகம், அரசியல், ஆற்றல், அரசை நடத்தி வரலாறு படைத்த குன்றா அனுபவம் - திரை உலகில் திராவிடப் புரட்சியை கொணர்ந்த தீரர்.

எல்லாவற்றிற்கும் மேலாக தன்னை ஆளாக்கிய தந்தை பெரியாரையும், அறிஞர் அண்ணாவையும், தனக்கு என்றென்றும் இரத்த ஓட்டமாய் உள்ள கொள்கை உடன் பிறப்புகளையும் நாளும் பேச்சு, எழுத்துமூலம் சந்திக்கத் தவறா நன்றிப் பெருக்கின் நாயகம் அவர்!

சட்டசபையில் நீண்ட கால அனுபவத்தை பெற்றவர். எதிர்கட்சித்தலைவராகவும், 5 முறை முதல்வராகவும் இருந்திருக்கிறார். எமது 70 ஆண்டுகால கொள்கை நட்பு இன்றும், நாளையும் தொடர்ந்த வண்ணம் உள்ளது என்பதில்தான் எத்துணைப் பெருமிதம்!

கருணாநிதியின் இப்போது பேசாமல் இருக்கிறார். அவரது பேச்சை விட மவுனம் வலிமை வாய்ந்தது. வாழ்க கலைஞர்... வருக அவரது ஜாதியற்ற மதவெறியற்ற சமுதாயம் என்று வீரமணி வாழ்த்தியுள்ளார்.

English summary
DK leader K Veeramani Said, My relationship with DMK president M Karunanidhi goes back 70 years, when we were students.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X