கபாலி சிலை.. தொட்டுப் பார்த்து சபாஷ் போட்ட ரஜினிகாந்த்!
சென்னை: சூப்பர் ஸ்டார் ரஜினிகாந்த் நடித்த கபாலி படத்தின் பாதிப்பு இன்னும் கூட மக்களை விட்டு முழுமையாக விலகவில்லை. இந்த நிலையில் கபாலி சிலைகள் மூலமாக புதிய பரபரப்பு கிளம்பியுள்ளது.
மலேசியாவைச் சேர்ந்தவர் டத்தோ மாலிக். Malik Streams Production & Distribution என்ற தயாரிப்பு மற்றும் விநியோக நிறுவனத்தை நடத்தி வருகிறார். இவர்தான் மலேசியாவில் கபாலி படத்தை ரிலீஸ் செய்தவர்.
இந்த நிலையில் தற்போது ரஜினிகாந்த்தின் கபாலி பட உருவத்தை சிலையாக வடித்து விற்பனைக்குக் கொண்டு வந்துள்ளார் மாலிக். இதை படத்தின் நாயகன் ரஜினிகாந்த் இன்று தொடங்கி வைத்தார். மேலும் இந்த சிலையானது மிகவும் தத்ரூபமாக இருப்பதாகவும் ரஜினி சிலையைத் தொட்டுப் பார்த்து ஆச்சரியம் காட்டினார்.
கபாலி படம் 2016ம் ஆண்டு வெளியானதால் மொத்தம் 2016 சிலைகளை வடித்துள்ளதாகவும், படத்தில் வரும் விதம் விதமான கபாலிகளைப் போல சிலை இருக்கும் என்றும் மாலிக் கூறியுள்ளார்.
தனது நிறுவனத்தின் முக நூல் மூமலமாக இந்த சிலையை முன்பதிவு செய்து பெற்றுக் கொள்ளலாம் என்றும் மாலிக் கூறியுள்ளார்.