கலாம் பள்ளிக்கு செல்லாமல் தடுத்ததில் அரசியல்: கமல் பகிரங்க குற்றச்சாட்டு

மதுரை: கலாம் பள்ளிக்கு செல்லாமல் என்னை தடுத்ததில் அரசியல் உள்ளது என்று கமல்ஹாசன் குற்றம்சாட்டியுள்ளார்,

அப்துல் கலாம் இல்லத்துக்குச் சென்ற நடிகர் கமல்ஹாசன், கலாம் அண்ணன் உள்ளிட்ட குடும்பத்தாரை சந்தித்துப் பேசி விட்டு, கலாம் பயின்ற பள்ளிக்குச் செல்வதாக இருந்தார். ஆனால் கல்வித்துறை அதற்கு தடை விதித்திருந்ததையடுத்து அந்த பயணத்தை ரத்து செய்தார் கமல்ஹாசன்.

வெளியே இருந்தபடி பள்ளியை பார்வையிட்டு சென்றார் அவர். இதுகுறித்து, அவர் நிருபர்களிடம் கூறுகையில், கலாம் பள்ளிக்கு செல்லாமல் என்னை தடுத்ததில் அரசியல் உள்ளது. சட்டத்துக்கு உட்பட்டு கலாம் பள்ளிக்கு செல்லாமல் இருக்கிறேன் என்றார் கமல்.

இதுகுறித்து பள்ளி கல்வித்துறைதரப்பு கூறுகையில், அரசியல் நிகழ்வுகளுக்கு பள்ளிகளை அனுமதிக்க முடியாது என கூறப்பட்டுள்ளது.

English summary

Kamal Haasan has accused government of preventing him from going to Kalam school.