இளையராஜாவுக்கு பத்ம விபூஷண்.. கமல் உள்ளிட்ட பிரபலங்கள் வாழ்த்து!

பத்ம விபூஷண் அறிவிக்கப்பட்ட இளையராஜாவுக்கு கமல்ஹாசன் வாழ்த்து தெரிவித்து இருக்கிறார்.

By Shyamsundar

Updated: Thursday, January 25, 2018, 22:14 [IST]

சென்னை: 2018ஆம் ஆண்டுக்கான பத்ம விருதுகள் அறிவிக்கப்பட்டு இருக்கிறது. பல்வேறு துறைகளில் சிறந்து விளங்கியவர்களுக்கு விருதுகள் அறிவிக்கப்பட்டுள்ளது.

இதில் இசையமைப்பாளர் இளையராஜாவிற்கு பத்ம விபூஷண் அறிவிக்கப்பட்டுள்ளது. இசைத்துறையில் சிறந்து விளங்கியதால் இந்த விருது வழங்கப்பட்டுள்ளது.

இந்த நிலையில் பத்ம விபூஷண் அறிவிக்கப்பட்ட இளையராஜாவுக்கு பல்வேறு பிரபலங்கள் வாழ்த்து தெரிவித்து வருகின்றனர்.

எனக்கு மூத்தவர் என் இளையராஜாவுக்கு விருது. விருதுக்கான தகுதியை இவர் இளமையிலேயே பெற்றிருந்தார். தாமதமாய் வந்த பெருமையை ராஜா போல் ரசிகரும் மன்னிப்பர்.
விருதும் நாடும் தமிழகமும் பெருமை கொள்கிறது .
— Kamal Haasan (@ikamalhaasan) January 25, 2018

கமல்ஹாசன் வாழ்த்து

இளையராஜாவுக்கு கமல்ஹாசன் வாழ்த்து தெரிவித்து இருக்கிறார். இதுகுறித்து அவர் டிவிட் செய்துள்ளார் ''எனக்கு மூத்தவர் என் இளையராஜாவுக்கு விருது. விருதுக்கான தகுதியை இவர் இளமையிலேயே பெற்றிருந்தார். தாமதமாய் வந்த பெருமையை ராஜா போல் ரசிகரும் மன்னிப்பர்.விருதும் நாடும் தமிழகமும் பெருமை கொள்கிறது'' என்று குறிப்பிட்டு இருக்கிறார்.

Govt of India announces Nation's 2nd highest civilian award #PadmaVibhushan to the God of music #Ilayaraja sir. Hearty congratulations to you sir!proud moment to all of us. God bless
— Vishal (@VishalKOfficial) January 25, 2018

விஷால் வாழ்த்து

விஷால் தனது டிவிட்டில் ''இந்தியாவின் இரண்டாவது பெரிய விருதான பத்ம விபூஷணை இசைக்கடவுள் இளையராஜாவுக்கு வழங்கி இருக்கிறது. அவருக்கு வாழ்த்துக்கள். உங்களால் எங்கள் அனைவருக்கும் பெருமை'' என்று குறிப்பிட்டு இருக்கிறார்.

விஜயகாந்த் வாழ்த்து

விஜயகாந்த் தனது வாழ்த்தில் ''பத்ம விபூஷணை பெற்றுள்ள இளையராஜாவிற்கு வாழ்த்துக்கள். கிராமிய இசையை உலகம் எங்கும் கொண்டு சென்றவர் அவர். அவர் மக்களுக்கு பெருமையை சேர்த்து இருக்கிறார். அவர் இன்னும் பல விருதுகளை வாங்க வேண்டும்'' என்று குறிப்பிட்டு இருக்கிறார்.

ரஜினி

இதேபோல் நடிகர் ரஜினி இளையராஜாவை தொலைபேசியில் தொடர்பு கொண்டு வாழ்த்தியுள்ளார். தமிழ்நாட்டிற்கும் , இசைக்கும் பெருமை சேர்த்ததாக அவர் குறிப்பிட்டு இருக்கிறார்.