தமிழர்களின் இதயத்தில் என்றும் கருணாநிதிக்கு இடம் உண்டு: ஜி.கே வாசன்
தமிழர்களின் இதயத்தில் என்றும் கருணாநிதிக்கு இடம் உண்டு என்று ஜி.கே வாசன் வாழ்த்து தெரிவித்துள்ளார்.
சென்னை : தமிழர்களின் இதயத்தில் கருணாநிதிக்கு என்றும் இடம் உண்டு என்று தமிழ் மாநில காங்கிரஸ் தலைவர் ஜி.கே வாசன் பிறந்தநாள் வாழ்த்து தெரிவித்துள்ளார்.
திமுக தலைவர் கருணாநிதி இன்று தனது 95வது பிறந்தநாளை இன்று கொண்டாடி வருகிறார். கருணாநிதி நாட்டின் பல்வேறு முக்கியக் கட்சித் தலைவர்கள் வாழ்த்து தெரிவித்து வருகின்றனர்.
தமிழ் மாநில காங்கிரஸ் கட்சித் தலைவர் ஜி.கே வாசன், கருணாநிதிக்கு பிறந்தநாள் வாழ்த்துச் செய்தி வெளியிட்டுள்ளார். அதில், திமுக தலைவர் கருணாநிதி நீண்ட காலம் உடல் நலத்துடன் வாழ இயற்கையும், இறைவனும் துணை நிற்க வேண்டும்.
கிராமப்புற முன்னேற்றத்திற்கும், ஒடுக்கப்பட்ட மக்களின் உயர்வுக்கும், சமூக சீர்திருத்தத்திற்கும், மாநில மக்கள் குறிப்பாக ஏழை, எளிய மக்கள் நலன் காக்கவும் குரல் கொடுத்த பெருமைக்குரியவர்.
உலகத தமிழ் மக்கள் மத்தியில் குறிப்பாக தமிழ் மொழியை பெரிதும் நேசிக்கிற, விரும்புகிற தமிழ் நெஞ்சங்களின் உள்ளங்களில் இவருக்கு என்று ஓர் தனி இடம் என்றும் உண்டு என்று தெரிவித்துள்ளார்.