சோனியா காந்தியை பத்திரமாக பார்த்துக்கொள்ளுங்கள் ராகுல்.. கருணாநிதி கடிதம்
சென்னை: காங்கிரஸ் தலைவர் சோனியா காந்தி விரைவில் குணமடைய வேண்டும் என்று திமுக தலைவர் கருணாநிதி வாழ்த்து தெரிவித்து, ராகுல் காந்திக்கு கடிதம் எழுதியுள்ளார்.
அக்கடிதத்தில் கருணாநிதி கூறியிருப்பது: வாரணாசி பொதுக்கூட்டத்தில் பங்கேற்றபோது உங்கள் தாயார் சோனியா காந்தி உடல் நலக்குறைவால் பாதிக்கப்பட்டதாக தகவல் அறிந்து வருத்தமடைந்துள்ளேன். உடல் நலம் இல்லாத நேரங்களில் சுற்றுப் பயணத்தை தவிர்க்குமாறு சோனியா காந்திக்கு அறிவுறுத்தப்பட்டிருக்க வேண்டும்.
அதேநேரம், சோனியா காந்தி தற்போது உடல் நலம் தேறி வருவதாக வெளியாகியுள்ள தகவல்கள், எனக்கும், தமிழக மக்களுக்கும் நிம்மதி தந்துள்ளன.
சோனியாவுக்கு எனது வாழ்த்துக்களை தெரிவித்துவிடுங்கள். அவர் முழுமையாக குணமடையும்வரை நீங்கள் பத்திரமாக பார்த்துக்கொள்ளுங்கள். இவ்வாறு கருணாநிதி கூறியுள்ளார்.
சோனியா காந்தி உடல் நிலை தேறி வருவதாக டெல்லியில் அவர் சிகிச்சை பெற்றுவரும் மருத்துவமனை நிர்வாகம் இன்று மதியம் அறிவித்துள்ளது குறிப்பிடத்தக்கது.