கருணாநிதி ஓரிரு நாளில் வீடு திரும்புவார்.. தி.க தலைவரின் தகவலால் நிம்மதியில் திமுக தொண்டர்கள்!

திமுக தலைவர் கருணாநிதி ஓரிரு நாளில் வீடு திரும்புவார் என தி.க தலைவர் கி. வீரமணி தெரிவித்துள்ளார்.

சென்னை: திமுக தலைவர் கருணாநிதி ஓரிரு நாளில் வீடு திரும்புவார் என தி.க தலைவர் கி. வீரமணி தெரிவித்துள்ளார்.

திமுக தலைவர் கருணாநிதிக்கு இரண்டாவது நாளாக இன்றும் சென்னை காவேரி மருத்துவமனையில் சிகிச்சையளிக்கப்பட்டு வருகிறது. அரசியல் கட்சி தலைவர்கள் தொடர்ந்து கருணாநிதி குறித்து நலம் விசாரிக்க மருத்துவமனைக்கு வந்த வண்ணம் உள்ளனர்.

இதனால் மருத்துவமனை வளாகத்தில் போலீஸார் பாதுகாப்புக்காக குவிக்கப்பட்டுள்ளனர். இந்நிலையில் திராவிடர் கழகத் தலைவர் கி வீரமணி இன்று காவேரி மருத்துவமனைக்கு சென்றார்.

அப்போது கருணாநிதியின் உடல் நிலை குறித்து அவரது குடும்பத்தாரிடம் நலம் விசாரித்தார். இதைத்தொடர்ந்து செய்தியாளர்களிடம் பேசிய அவர் திமுக தலைவர் கருணாநிதி ஓரிரு நாளில் வீடு திரும்புவார் என தெரிவித்தார்.

கருணாநிதிக்கு மருத்துவர்கள் அளிக்கும் சிகிச்சை பலனளித்து வருகிறது என்றும் கி வீரமணி தெரிவித்தார். கி வீரமணியின் இந்த தகவலால் மருத்துவமனை முன்பு கூடியிருக்கும் தொண்டர்கள் நிம்மதியடைந்துள்ளனர்.

English summary

DK leader Veeramani has said Karunanidhi will be return to home in one or two days. DMK workers are happy with this information.