ராமதாஸ் காதலித்தவர்தானே..கொளத்தூர் மணி தலித்துக்கு பெண் தரலை...'கவுண்டர் சங்க' ரவிக்குமார் திகுதிகு

By Mathi

Updated: Friday, September 2, 2016, 15:09 [IST]

சேலம்: பாமக நிறுவனர் டாக்டர் ராமதாஸும் காதலித்தவர்தான் என்று கொங்கு வெள்ளாள கவுண்டர் சங்கத்தின் நிறுவனர் ரவிக்குமார் பேசியிருப்பது பரபரப்பை ஏற்படுத்தியுள்ளது.

"பெண்களின் பாதுகாப்பும், ஐ.நா., ஒப்பந்தங்களும். தமிழ்நாட்டில் செய்ய வேண்டியது என்ன?" என்ற தலைப்பில் தலித் அல்லாத சமூக தலைவர்கள் பங்கேற்ற கருத்தரங்கம் சேலத்தில் நடைபெற்றது.

Kongu vellala leader speaks on Dr Ramadoss love affair

இதில் கொங்கு வெள்ளாள கவுண்டர் சங்கத்தின் நிறுவனர் ரவிக்குமார் பேசியதாவது:

ஒரே சாதியில் காதலிப்பதை கூட ஏற்றுக்கொள்ள மாட்டேன். இது ராமதாஸுக்கு பிடிக்காது. ஏனென்றால் ராமதாஸ் அவரது மாமன் மகளை காதலித்து தான் திருமணம் பண்ணியிருக்கிறார்

கொளத்தூர் மணிக்கு 2 பெண் பிள்ளைகள் ஒரு பெண்ணை வன்னியருக்கும், இன்னொரு பெண்ணை நாடாருக்கும் திருமணம் செய்து கொடுத்திருக்கிறார். இது என்ன சாதி மறுப்பு திருமணம்? ஏன் தாழ்த்தப்பட்டவருக்கு ஒரு பெண்ணை கொடுக்க வேண்டியது தானே?.

நான் கம்யூனிஸ்ட் தோழர்களிடமும் பழகி இருக்கிறேன். தங்கள் மகளுக்கு பெண் பார்க்கும் போது அவர்கள் தலித் தோழர்களுக்கு திருமணம் செய்து கொடுக்க மாட்டார்கள். அது மேடை பேச்சோடு சரி