"மகாராஷ்டிரா முதல்வர் யாரு".. அன்னிக்கே சொல்லிருக்கார் பாருங்க "ஆண்டவர்".. வைரலாகும் வீடியோ!
கமலின் வறுமையின் நிறம் சிவப்பு படத்தின் காட்சி வைரலாகி வருகிறது
Recommended Video
சென்னை: பரபரப்புக்கு பஞ்சம் இல்லாமல், நாடே உற்று நோக்கும் வகையில் மகாராஷ்டிரா அரசியல் நிகழ்வு நடந்து வருகிறது.. இந்த சமயத்தில், கமல் நடித்த ஒரு திரைப்பட காட்சியை சோஷியல் மீடியாவில் பதிவிட்டு, அதனை இப்போது வைரலாக்கி வருகின்றனர் நெட்டிசன்கள்.
குதர்க்கம் என்றும் சொல்லிவிட முடியாது.. துடுக்குத்தனம் என்றும் சொல்லிவிட முடியாது.. இவை இரண்டுக்கும் நடுவில் அறிவார்ந்த பதிலை பல சமயங்களில் சொல்லிவிடுவார் கமல்ஹாசன்.கடந்த 2017-ல் யாதும் தமிழே என்ற நிகழ்ச்சியில் கமலிடம் ஒரு கேள்வி கேட்கப்பட்டது.
"கேரளா முதல்வரை போய் சந்திச்சீங்களே... இங்க இருக்கிற தமிழக முதல்வரை சந்திக்க மாட்டீங்களா?" என்று கேட்டனர். அதற்கு கமல், "இங்கேயும் எனக்கு சந்திக்க ஆசைதான். ஆனா போறதுக்குள்ள மாறிடுமோன்னு பயம்தான்" என்றார்.
அப்ப அவரு செஞ்சது சரி.. இப்ப இவரு செய்வது மட்டும் தவறாக்கும்.. என்னங்க நியாயம் இது.. எச்.ராஜா கேள்வி
3 முதல்வர்
கமல் இதை விளையாட்டாக சொன்னாலும், உண்மையிலேயே அந்த குறுகிய காலகட்டத்தில், ஜெயலலிதா, ஓ.பன்னீர்செல்வம், எடப்பாடி பழனிசாமி என 3 முதல்வர்கள் அரியணை ஏறியதை தமிழகம் கண்கூடாக கண்டது! இப்போதும் அப்படிப்பட்ட ஒரு கேள்விதான் கமலிடம் கேட்கப்படுகிறது. இதற்கும் துடுக்குத்தனமாகவே ஒரு பதில் வருகிறது.. ஆனால், இது நிஜத்தில் இல்லை.. சினிமாவில்!
வறுமையின் நிறம் சிவப்பு
1980-ம் ஆண்டு வெளிவந்த "வறுமையின் நிறம் சிவப்பு" என்ற படத்தில் கமல் வேலையில்லா பட்டதாரியாக நடித்திருப்பார். அப்போது ஒரு காட்சியில் கமல் வேலை தேடி ஒரு இன்டர்வியூ செல்வார். அங்கிருப்பவர்கள், மஹாராஷ்டிரா முதல்வர் யார்? என்ற கேள்வியை கேட்பார்கள்.
சரத்பவார்
அதற்கு கமல், "எப்போதைய முதல்வர்? இன்னைக்கா? நேற்றா? அல்லது நேற்று முன்தினமா? ஏன்னா இங்க தினம் ஒரு முதலமைச்சர் மாறிக் கொண்டே இருக்கிறார்" என்று பதிலளிப்பார். கமல் சொன்னபடி, அன்றே மகாராஷ்டிரா கலகலத்து காணப்பட்டது.. இன்று போலவே அன்றும் கலக்கி கொண்டிருந்தது சரத்பவார்தான்.
வைரல் சீன்
இப்படி ஒரு காட்சியை படத்தில் புகுத்திய இயக்குனர் சிகரத்தின் துணிச்சலுக்கு ஆயிரம் முறை கைகுலுக்கலாம். நேற்றிரவு இருந்த நிலவரம் மாறி, பொழுதுவிடிந்ததுமே அரசியல் நிகழ்வு தலைகீழாகிவிட்ட நிலையில், கமல் நடித்த இந்த காட்சியை இணையத்தில் பலரும் ஷேர் செய்து வருகிறார்கள். கமல் கேட்ட கேள்விதான் நமக்கும் கேட்க தோன்றுகிறது.. "மகாராஷ்டிரா முதல்வர் யார்?" என்று!!