கட்சி துவங்க ஆயத்தமாகிறாரா ரஜினிகாந்த்? 18ம் தேதி முதல் மக்கள் மன்ற மாவட்ட செயலாளர்கள் கூட்டம்
சென்னை: வரும் ஜூலை 18ம் தேதி முதல் 21ம் தேதிவரை முதல் சென்னையில் ரஜினி மக்கள் மன்ற மாவட்ட செயலாளர்கள் கூட்டம் நடைபெற உள்ளது.
ஒவ்வொரு மாதமும் ரஜினி மக்கள் மன்றம் சார்பில் மன்ற நிர்வாகிகள் கலந்தாலோசனை நடந்து வருகிறது. இம் மாதம் மன்றத்தின் முக்கியமான, நிர்வாகிகளான, மாவட்டச் செயலாளர்கள் கூட்டம் நடைபெற உள்ளது.
இந்த ரஜினி மக்கள் மன்ற செயலாளர்கள் கூட்டத்துக்கு மாநில செயலாளர் ராஜூ மகாலிங்கம், நிர்வாகி சுதாகர் ஆகியோர் தலைமை வகிப்பார்கள் என அறிவிக்கப்பட்டுள்ளது.
தமிழகத்தில் ஐடி ரெய்டுகள் தீவிரமாகியுள்ள சூழலில் இந்த கூட்டம் நடைபெறுகிறது. கட்சி ஆரம்பிக்கும் பணிகள் பற்றி இந்த கூட்டத்தில் ஆலோசிக்க வாய்ப்புள்ளதாம். இதில் வீடியோ கான்பரன்சிங் மூலம் ரஜினி உரையாற்ற உள்ளாராம்.
இதனிடையே ரஜினிகாந்த், கார்த்திக் சுப்புராஜ் இயக்கத்தில் நடிக்கும் திரைப்பட சூட்டிங்கில் பங்கேற்க இன்று டெல்லி கிளம்பி சென்றுள்ளார்.