அம்மா வானொலி... தேனியில் சித்த மருத்துவமனை - 108 அறிவிப்புகள் வெளியிட்ட அமைச்சர் விஜயபாஸ்கர்
தமிழக சட்டசபையில் சுகாதாரத்துறையில் 108 அறிவிப்புகளை அமைச்சர் விஜயபாஸ்கர் வெளியிட்டார்.
சென்னை: சுகாதாரம் குறித்த விழுப்புணர்வை மக்களுக்கு ஏற்படுத்த அம்மா நல்வாழ்வு வானொலி சேவை தொடங்கப்படும் என்று சட்டசபையில் அமைச்சர் விஜயபாஸ்கர் தெரிவித்துள்ளார்.
108 அறிவிப்புகளை தமிழக சட்டசபையில் சுகாதாரத்துறை அமைச்சர் விஜயபாஸ்கர் இன்று வெளியிட்டார்.
• தமிழகத்தில் 28 குழந்தைகள் தீவிர சிகிச்சை மையம் புதிதாக தொடங்கப்படும்
• அரசு மருத்துவக் கல்லூரி மற்றும் 13 மாவட்ட தலைமை மருத்துவமனைகளில் மூப்பியல் பிரிவுகள் தொடங்கப்படும்
• சுகாதாரம் குறித்த விழுப்புணர்வை மக்களுக்கு ஏற்படுத்த அம்மா நல்வாழ்வு வானொலி சேவை தொடங்கப்படும் என்றும் விஜயபாஸ்கர் தெரிவித்துள்ளார்.
• நெல்லை,மதுரை அரசு மருத்துவக் கல்லூரிகளில் 200 இடங்கள் கூடுதலாக ஏற்படுத்தப்படும் என்று அவர் அறிவித்தார்.
• தேனி, திருவண்ணாமலையில் ரூ.7,33 கோடி செலவில் சித்த மருத்துவமனை அமைக்கப்படும்
• வேலூர், சேலம் , மதுரை மருத்துவமனையில் தீக்காய சிகிச்சை மையம் ஏற்படுத்தப்படும்
• ரூ. 50 கோடி செலவில் ஆம்புலன்ஸ்கள் வாங்கப்படும் என்றும் அமைச்சர் விஜயபாஸ்கர் அறிவித்தார்.