சிரிப்புக்கும் சில மதிப்பு உண்டு: சிரித்ததால் முதல்வர் பதவிபறிபோன கதையெல்லாம் இருக்கு- ஸ்டாலின்
சிரிப்புக்கும் சில மதிப்பு உண்டு என்று திமுக செயல்தலைவர் மு.க.ஸ்டாலின் தெரிவித்தார்.
சென்னை: சிரிப்புக்கும் சில மதிப்பு உண்டு, சிரித்ததால் முதல்வர் பதவியை இழந்தவர் ஓ.பன்னீர் செல்வம் என்று எதிர்க்கட்சித் தலைவர் மு.க.ஸ்டாலின் தெரிவித்தார்.
இதுகுறித்து ஸ்டாலின் கூறுகையில், சிரிப்புக்கும் சில மதிப்பு உண்டு. நான் ஓபிஎஸ்ஸை பார்த்து சிரித்ததால் அவருக்கு முதல்வர் பதவியே போய்விட்டது என்றார் ஸ்டாலின்.
கடந்த ஆண்டு முதல்வர் பதவிக்கு வர நினைத்த சசிகலா, ஓபிஎஸ்ஸை முதல்வர் பதவியிலிருந்து விலகுமாறு கூறியிருந்தார். அதன்படி பதவியை ராஜினாமா செய்த ஓபிஎஸ் சசிகலாவுக்கு எதிராக ஜெயலலிதா சமாதியில் எரிமலையாக வெடித்தார்.
அப்போது அன்றைய தினம் போயஸ் கார்டனில் சசிகலா பேட்டி அளித்தார். அப்போது அவர் திமுகவுடன் ஓபிஎஸ் சேர்ந்து கொண்டு அதிமுக ஆட்சியை கபளீகரம் செய்ய பார்க்கிறார் என்ற குற்றச்சாட்டை முன்வைத்தார்.
இதற்கு ஸ்டாலினை பார்த்து ஓபிஎஸ் சிரித்ததே சாட்சி என்றும் சசிகலா கூறியிருந்தது குறிப்பிடத்தக்கது.