ஆர்கே நகரில் சாவு குத்து குத்திய எம்எல்ஏ.. தொப்பி சின்னத்துக்கு வாக்கு கேட்டு கூத்து!
ஆர்கே நகரில் வாக்கு சேகரிப்பில் ஈடுபட்டிருந்த எம்எல்ஏ கனகராஜ் இறங்கி மரண குத்தாட்டம் போட்ட வீடியோ வைரலாக பரவி வருகிறது.
சென்னை: ஆர்கே.நகரில் சூளுர் எம்எல்ஏ கனகராஜ் நேற்றிரவு வாக்கு சேகரிப்பில் ஈடுபட்டார். அப்போது மேளதாளத்துக்கு ஏற்ப அவர் குத்தாட்டம் போட்டது வாக்காளர்களை வெகுவாக கவர்ந்தது.
ஆர்கே.நகர் தொதி இடைத்தேர்தலுக்கு இன்னும் ஒரு வாரமே உள்ள நிலையில் அரசியல் கட்சிகள் தீவிர வாக்கு சேகரிப்பில் ஈடுபட்டுள்ளன. ஆட்டம்பாட்டம் என ஆர்.கே.நகரின் அனைத்து பக்கங்களும் களைகட்டியுள்ளது.
எப்படியாவது வெற்றி பெற்றே ஆகவேண்டும் என்ற முனைப்பில் உள்ள சசிகலா தரப்பு அமைச்சர்கள் எம்எல்ஏக்கள் என மொத்த பேரையும் களத்தில் இறக்கியுள்ளது. இந்நிலையில் நேற்றிரவு சூளுர் எம்எல்ஏ கனகராஜ் ஆர்கே.நகரில் பிரச்சாரத்தில் ஈடுபட்டிருந்தார்.
அப்போது மேள தாள இசைக்கு ஏற்ப இறங்கி குத்தாட்டம் போட்டார் கனகராஜ். தலைக்கு மேலே ஜெயலலிதாவின் படத்தை தூக்கி காட்டியபடியே வளைந்து நெளிந்து ஆடி தொப்பி சின்னத்துக்கு அவர் வாக்கு சேகரித்ததை பொதுமக்ககள் ஆர்வத்துடன் கண்டுகளித்தனர்.
சமூக வலைதளங்களில் வைரலாக பரவி வரும் அந்த வீடியோ இதோ உங்கள் பார்வைக்கு...