• search
For Quick Alerts
ALLOW NOTIFICATIONS  
For Daily Alerts

ஆர்.கே நகர் இடைத்தேர்தலில் ’தொப்பி’ சின்னத்துக்கு கடும் போட்டி : தினகரனுக்கு இதிலும் சிக்கல் ?

By Mohan Prabhaharan
|

சென்னை : ஆர்.கே நகர் இடைத்தேர்தலில் தொப்பி சின்னத்திற்கு கடும் போட்டி எழுந்துள்ளது. இதனால், டி.டி.வி தினகரனுக்கு தொப்பி சின்னம் கிடைப்பதில் சிக்கல் எழுந்துள்ளது.

சென்னை ஆர்.கே நகர் இடைத்தேர்தல் வருகிற 21ம் தேதி நடைபெற உள்ளது. இதில் போட்டியிட தி.மு.க சார்பில் மருதுகணேஷ், அ.தி.மு.க சார்பில் மதுசூதனன், பா.ஜ.க சார்பில் கரு.நாகராஜன், நாம் தமிழர் கட்சியின் கலைக்கோட்டுதயம் ஆகியோர் மனுத்தாக்கல் செய்து இருந்தனர்.

More than 30 independent candidates including TTV Dinakaran Requested EC for Hat symbol

சுயேச்சை வேட்பாளர்களாக டி.டி.வி தினகரன், நடிகர் விஷால், தீபா ஆகியோர் மனுத்தாக்கல் செய்திருந்த நிலையில், நேற்று நடந்த வேட்புமனு பரிசீலனையில் தீபா, விஷால் உள்ளிட்ட பல சுயேச்சை வேட்பாளர்களின் மனுக்கள் நிராகரிக்கப்பட்டது.

இந்நிலையில், இதுவரை 72 பேரின் விண்ணப்பங்கள் ஏற்கப்பட்டு உள்ளதாக தேர்தல் ஆணையம் தெரிவித்து உள்ளது. இறுதி கட்ட வேட்பாளர் பட்டியல் நாளை வெளியாகும் நிலையில் தொப்பி சின்னம் யாருக்கு கிடைக்கும் என்கிற எதிர்பார்ப்பு எழுந்துள்ளது.

ஆர்.கே நகரில் போட்டியிடும் சுயேச்சைகளில் தினகரன் உட்பட 30 பேர் தொப்பி சின்னம் கேட்டு தேர்தல் ஆணையத்திடம் மனு அளித்து உள்ளனர். ஒன்றுக்கு மேற்பட்டவர்கள் ஒரே சின்னத்தை கேட்கும்போது, குலுக்கல் முறையில் சின்னம் ஒதுக்கப்படும்.

ஏற்கனவே, அறிவிக்கப்பட்ட தேர்தலில் டி.டி.வி தினகரன் தொப்பி சின்னத்தில் போட்டியிட பிரச்சாரம் மேற்கொண்டதால் இந்த முறை அந்த சின்னம் கிடைத்தால் பிரச்சாரம் எளிதாக இருக்கும் என்பதாலேயே பலரும் அந்த சின்னத்தை கேட்டு உள்ளதாகத் தகவல் வெளியாகி உள்ளது.

மேலும், தொப்பி சின்னத்தை தனக்கு ஒதுக்க வேண்டும் என்கிற டி.டி.வி தினகரன் வழக்கு கடந்த சில நாட்களுக்கு முன்பு டெல்லி உயர்நீதிமன்றத்தால் தள்ளுபடி செய்யப்பட்டதால், இந்த முறை தொப்பி சின்னம் கிடைப்பதில் தினகரனுக்கு சிக்கல் எழுந்துள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
More than 30 independent candidates including TTV Dinakaran Requested EC for Hat symbol in RK Nagar Bypoll.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more