மத்திய சென்னையில் தே.மு.தி.க. வேட்பாளர் பிரசாரத்திற்கு முஸ்லிம்கள் கடும் எதிர்ப்பு

சென்னை: பாரதிய ஜனதாவுடன் கூட்டணி வைத்துவிட்டு தங்களது பகுதியில் பிரசாரம் செய்ய வருவதா? என்று எதிர்ப்பு தெரிவித்து மத்திய சென்னை தேமுதிக வேட்பாளர் நவீந்தரனுக்கு முஸ்லிம்கள் கறுப்பு கொடி காட்டியதால் பரபரப்பு ஏற்பட்டது.

மத்திய சென்னை தே.மு.தி.க. வேட்பாளர் நவீந்திரன் அரும்பாக்கம் ஆசாத் நகரில் தேர்தல் பிரசாரம் செய்தார். அதற்கு அப்பகுதி முஸ்லிம்கள் கடுமையாக எதிர்ப்பு தெரிவித்தனர்.

பாரதிய ஜனதா கட்சியுடன் தே.மு.தி.க. கூட்டணி வைத்து விட்டு எங்களிடம் வந்து ஓட்டு கேப்ட்பதா? என்று கொந்தளித்து முஸ்லிம்கள் சாலை மறியலிலும் ஈடுபட்டனர். பலர் கறுப்பு கொடிகளை நவீந்தரனுக்கு எதிராகக் காட்டினர்.

இதனால் அங்கு பதற்றம் ஏற்பட்டது. பின்னர் போலீசார் வந்து ஆசாத் நகர் மக்களை சமாதானப்படுத்தினர்.

English summary

The Central Chennai Muslim voters oppses to DMDK Campaign for alliance with BJP.