ராமநாதபுரத்தில் திமுக வெற்றி முகம்- 3வது இடத்தில் பாஜக

சென்னை: நக்கீரன் வெளியிட்டுள்ள லோக்சபா தேர்தல் கருத்து கணிப்புகளில் ராமநாதபுரம் லோக்சபா தொகுதியில் திமுக வேட்பாளர் ஜலீல் வெல்வார் என்று கூறப்பட்டுள்ளது.

தமிழகம், புதுவையில் 40 தொகுதிகளிலும் ஒரு லோக்சபா தொகுதிக்கு 600 பேரிடம் நக்கீரன் கருத்து கணிப்பு நடத்தி முடிவுகளை வெளியிட்டுள்ளது. இதில் ராமநாதபுரம் தொகுதியில் திமுக வேட்பாளர் வெல்வார் என்று தெரிவிக்கப்பட்டுள்ளது.

இத்தொகுதியில் காங்கிரஸ் சார்பில் போட்டியிடும் திருநாவுக்கரசருக்கு அறந்தாங்கி சட்டசபை தொகுதியில் மட்டும் இன்னமும் செல்வாக்கு இருக்கிறதாம்.

3வது இடத்தில் பாஜக

ராமநாதபுரம் தொகுதியில் 600 பேரில் திமுகவுக்கு 186, அதிமுக 167 பேர் ஆதரவு தெரிவித்துள்ளனர். 3வதாக பாஜகவுக்கு 99, காங்கிரஸுக்கு 75 பேர், சிபிஐக்கு 25 பேர் ஆதரவு தெரிவித்துள்ளனர்.

ராமநாதபுரம், பரமக்குடி. திருவாடானையில் திமுக

ராமநாதபுரம், பரமக்குடி, திருவாடானை சட்டசபை தொகுதிகளில் திமுக வேட்பாளருக்கு தலா 100 பேரில் முறையே 33, 33, 36 பேர் ஆதரவு தெரிவித்துள்ளனர். இத்தொகுதிகளில் அதிமுகவுக்கு முறையே 30, 28, 29 பேர் ஆதரவு தெரிவித்துள்ளனர்.

முதுகுளத்தூர், திருச்சுழியில் அதிமுக

முதுகுளத்தூர் மற்றும் திருச்சுழி தொகுதிகளில் அதிமுகவுக்கு தலா 100 பேரில் 32 மற்றும் 37 பேர் ஆதரவு தெரிவித்துள்ளனர்.

அறந்தாங்கியில் திருநாவுக்கரசர்

அறந்தாங்கி சட்டசபை தொகுதியில் இன்னமும் காங்கிரஸ் வேட்பாளராக இருக்கும் திருநாவுக்கரசர் கை ஓங்கியே இருக்கிறது. இத்தொகுதியில் 100 பேரில் திருநாவுக்கரசருக்கு 30 பேர் ஆதரவு தெரிவித்துள்ளனர்.

பாஜக நிலவரம்

ராமநாதபுரத்தில் 18, முதுகுளத்தூரில் 17, பரமக்குடியில் 18, திருவாடானையில் 16, திருச்சுழியில் 15, அறந்தாங்கியில் 15 என சீரான ஆதரவைப் பெற்றுள்ளது பாஜக.

திமுகவுக்கு 186

மொத்தம் 600 பேரில் திமுக வேட்பாளர் ஜலீலுக்கு 186, அதிமுக வேட்பாளர் அன்வர் ரஜாவுக்கு 167, பாஜக வேட்பாளர் குப்புராமுக்கு 99, காங்கிரஸ் வேட்பாளர் திருநாவுக்கரசருக்கு 75, சிபிஐ வேட்பாளர் உமா மகேஸ்வரிக்கு 25 பேர் ஆதரவு தெரிவித்துள்ளனர்.

English summary

According to Nakhheeran Pre-poll survey. DMK Candidate Jaleel leads in Ramanathapuram constituency.