'அதிமுகவில் இணைய விரும்புகிறேன்'... ஜெயலலிதாவுக்கு நடிகை நமீதா கடிதம்

சென்னை: அதிமுகவில் இணைய விருப்பம் தெரிவித்து முதல்வர் ஜெயலலிதாவிற்கு நடிகை நமீதா கடிதம் எழுதியிருக்கிறார்.சட்டமன்றத் தேர்தல் நெருங்கி வரும் வேளையில் நடிக, நடிகையர் பலரும் பல்வேறு கட்சிகளில் இணைந்து வருகின்றனர்.

இந்நிலையில் நடிகை நமீதாவும் அரசியலில் இணைய விருப்பம் தெரிவித்திருக்கிறார். இதுகுறித்து அவர் எழுதிய கடிதத்தில் "நமீதா ஆகிய நான் தமிழ் திரைத் துறையில் நடிகையாக உள்ளேன்.

தங்களது சீர்மிகு நிர்வாகமும், ஆட்சி முறையும் தமிழகத்தை இந்தியாவின் சிறந்த மாநிலமாகத் திகழ வைத்துள்ளது.சிறந்த தலைவியாகத் திகழும் தங்கள் தலைமையில் நானும் இணைந்து என்னாலான பங்களிப்பைத் தர விரும்புகிறேன்.

தங்கள் தலைமையில் அஇஅதிமுகவில் அடிப்படை உறுப்பினராக என்னைச் சேர்த்துக் கொள்ளுமாறு பணிவுடன் கேட்டுக் கொள்கிறேன்'' என்று தெரிவித்துள்ளார்.

கூடிய விரைவில் நமீதாவின் அரசியல் பிரவேசம் நிகழும் என்று எதிர்பார்க்கப்படுகிறது.

English summary

Actress Namitha has written a letter to the AIADMK Chief Jayalalitha Regarding Join to the Party.