For Quick Alerts
ALLOW NOTIFICATIONS  
For Daily Alerts
Just In
Oneindia App Download

'இன்னோவா சம்பத்' என்ற பழி வேண்டாம்- அதிமுகவிடம் காரை ஒப்படைத்துவிட்டேன்... நாஞ்சில் சம்பத் அதிரடி!

ஜெயலலிதா கொடுத்த இன்னோவா காரை அதிமுகவிடம் ஒப்படைத்துவிட்டார் நாஞ்சில் சம்பத். இதனால் அவர் விரைவில் கட்சி மாறக் கூடும் என தெரிகிறது.

By Mathi
Google Oneindia Tamil News

சென்னை: சசிகலா தலைமையை ஏற்க எதிர்ப்பு தெரிவித்து வரும் அதிமுக பேச்சாளர் நாஞ்சில் சம்பத் இன்று திடீரென தமக்கு ஜெயலலிதா கொடுத்த இன்னோவா காரை அக்கட்சி தலைமை அலுவலகத்தில் ஒப்படைத்து பரபரப்பை கிளப்பியுள்ளார்.

மதிமுகவில் இருந்து விலகி அதிமுகவில் 2012-ம் ஆண்டு இணைந்தார் நாஞ்சில் சம்பத். அப்போது அவருக்கு இன்னோவா காரை பரிசாக கொடுத்தார் ஜெயலலிதா. இதனால் 'இன்னோவா சம்பத்' எனவும் அவர் விமர்சிக்கப்பட்டார்.

ஜெயலலிதா மறைவுக்குப் பின்னர் சசிகலா அதிமுக தலைமையை ஏற்றார். இதற்கு எதிர்ப்பு தெரிவித்து நாஞ்சில் சம்பத் திமுகவுக்கு தாவுகிறார் எனக் கூறப்பட்டது. ஆனால் பட்டும் படாமலுமேயே இது தொடர்பாக நாஞ்சில் சம்பத் கருத்து கூறிவந்தார். இருந்தபோதும் சசிகலாவை மறைமுகமாகவே எதிர்த்து வந்தார்.

ஜெ. கொடுத்த கார்

ஜெ. கொடுத்த கார்

இந்த நிலையில் இன்று தம்முடைய ஃபேஸ்புக் பக்கத்தில் நாஞ்சில் சம்பத் பதிவிட்டுள்ளதாவது:

2012 டிசம்பர் 16ம் தேதி இயக்க பிரச்சாரத்திற்காக கழகத்தின் பொருளாளர் பெயரில் வாங்கப்பட்ட கார் என்னிடத்தில் ஒப்படைக்கப்பட்டது. அம்மா அவர்கள் சாவியை என்னிடத்தில் ஒப்படைத்தார்கள்.

பிரசாரத்துக்கு மட்டுமே

பிரசாரத்துக்கு மட்டுமே

அந்த காரை கட்சியின் பிரச்சாரத்தை தவிர என்னுடைய சொந்த உபயோகத்திற்காக ஒருநாள்கூட பயன்படுத்தவில்லை. பிரச்சாரம் இல்லாத நாட்களில் என்னுடைய நண்பர் ஜாபர் அலி வீட்டில் பாதுகாப்பாக நிற்கும்.

இன்னோவா சம்பத் பழி...

இன்னோவா சம்பத் பழி...

இப்போது 8 மாத காலமாக பிரச்சாரம் இல்லை, வீணாக அதை வைத்து கொண்டு இன்னோவா சம்பத் என பழியும் சுமந்து கொண்டு எதற்கு இருக்க வேண்டும் என்று எண்ணி இன்று காலை தலைமை கழகத்தில் ஒப்படைத்துவிட்டேன்.

இவ்வாறு நாஞ்சில் சம்பத் கூறியுள்ளார்.

திமுகவுக்கு தாவல்?

திமுகவுக்கு தாவல்?

நாஞ்சில் சம்பத் ஏற்கனவே திமுகவுக்கு தாவ உள்ளதாக கூறப்பட்டு வருகிறது. நாளை திமுக பொதுக்குழு கூடும் நிலையில் இன்று திடீரென இன்னோவா காரை திருப்பி கொடுத்திருப்பது அந்த யூகங்களை உறுதிப்படுத்துவதாக இருக்கிறது.

English summary
Nanjil Sampath today returned the Innova Car which was given by Jayalalithaa in 2012 to ADMK Head Office.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X