சண்முகம் செட்டி, சிதம்பரம் செட்டி என டிவி டிபேட்டில் பேச்சு- பாஜக ஆதரவு வெங்கடேஷ்-க்கு கண்டனம்!

டிவி விவாதத்தில் ஜாதியை குறிபிட்டு எள்ளலாக பேசிய பாஜக ஆதரவாளர் எம்.ஆர். வெங்கடேஷ்-க்கு சமூக வலைதளங்களில் கடும் கண்டனம் தெரிவிக்கப்பட்டு வருகிறது.

சென்னை: டிவி விவாத நிகழ்ச்சியில் 'சண்முகம் செட்டி முதல் சிதம்பரம் செட்டி வரையிலான' பட்ஜெட்டை பார்த்திருக்கிறோம் என பாஜக ஆதரவாளர் எம்.ஆர். வெங்கடேஷ் பேசியதற்கு சமூக வலைதளங்களில் கடும் கண்டனம் தெரிவிக்கப்பட்டு வருகிறது.

பட்ஜெட்டை முன்வைத்து நாடாளுமன்றம் அருகே இருந்து புதிய தலைமுறை நேற்று சிறப்பு நேர்பட பேசு விவாத நிகழ்ச்சியை நடத்தியது. இதில் திமுகவின் டி.கே.எஸ். இளங்கோவன், மார்க்சிஸ்ட் கட்சியின் டிகே ரங்கராஜன், பாஜக ஆதரவாளரான கொள்கை ஆய்வாளர் எம்.ஆர். வெங்கடேஷ், அதிமுகவின் நவநீதகிருஷ்ணன் உள்ளிட்ட பலர் கலந்து கொண்டனர்.

இந்த விவாதத்தின் போது, சண்முகம் செட்டி முதல் சிதம்பரம் செட்டி வரையிலான அனைத்து பட்ஜெட்டிலும் கருப்பு பணம் பற்றி இடம்பெற்றிருக்கிறது என ஜாதியை சுட்டிக்காட்டி எள்ளலாக பேசினார் எம்ஆர் வெங்கடேஷ். ஆர்.கே. சண்முகம் செட்டியார் என்றுதான் அவர் அழைக்கப்பட்டார்... ஆனால் முன்னாள் நிதி அமைச்சர் ப. சிதம்பரம் அப்படி ஜாதியின் பெயரால் அறியப்பட்டவர் அல்ல.

அவரை ஜாதிய வட்டத்துக்குள் சுருக்கி எம்.ஆர். வெங்கடேஷ் கிண்டலாக பேசியிருப்பது சமூக வலைதளங்களில் கடும் கண்டனம் தெரிவிக்கப்பட்டு வருகிறது.

English summary

Netizens condemned BJP Supporter MR Venkatesh's comments agains P Chidambaram in TV debate.