கட்சிக் கொடி ரிலீஸ் ஆயிருச்சு... வாசன் "சைட்"டில் இன்னும் அப்டேட் ஆகலையே!
சென்னை: ஜி.கே.வாசன் ஆரம்பித்துள்ள புதிய கட்சியின் கொடி இன்று ரிலீஸ் ஆகி விட்டது. கட்சிக் கொடியை ஜி.கே.வாசன் வெளியிட்டும் விட்டார். ஆனால் அது தொடர்பான செய்தியும், புதுக் கொடி படமும், இன்னும் ஜி.கே.வாசன் பெயரில் உள்ள இணையதளத்தில் வெளியாகவில்லை.
அதேபோல வாசன் பெயரில் உள்ள பேஸ்புக் பக்கத்திலும் படம், செய்தி வெளியாகவில்லை.
இது கம்ப்யூட்டர் காலம். எதை எடுத்தாலும் பேஸ்புக்கில் போட்டுத் தாக்குவதுதான் லேட்டஸ்ட். அதிலும் அரசியல்வாதிகள் இப்போதெல்லாம் பேஸ்புக் போன்றவற்றின் மூலம்தான் அப்டேட் செய்கிறார்கள், தாங்களும் அப்டுடேட் ஆக மாறிக் கொள்கின்றனர்.
இந்த வகையில் புதுக் கட்சி தொடங்கியுள்ள ஜி.கே.வாசன் பெயரில் இணையதளமும், பேஸ்புக் பக்கமும் விறுவிறுப்பாக காணப்படுகிறது.
ஆனால் இன்று நடந்த முக்கிய நிகழ்வு குறித்த விவரம் இன்னும் அந்த இரு பக்கங்களிலும் வெளியாகாமல் உள்ளது. கட்சிக் கொடி வெளியீடு குறித்த செய்தியையும், கட்சிக் கொடியின் படத்தையும் இன்னும் வெளியிடாமல், அப்டேட் செய்யாமல் உள்ளனர்.
நேற்று இரவு வரை நடந்த நிகழ்வுகள் மட்டுமே காணப்படுகின்றன. அதிரடியாக செயல்பட வேண்டிய நேரத்தில் சோம்பேறித்தனத்தையும் கூடவே கூட்டிக் கொண்டு உலாவினால் எப்படி... தனி டீமைப் போட்டு கலக்க வேண்டாமா ?