தூக்கி அடிச்சுருவேன் பார்த்துக்கோ.. தீபாவளிக்கு இதை போடுங்க.. எல்லோரும் வெறிச்சுப் பார்ப்பாங்க!

Updated: Tuesday, September 29, 2015, 18:03 [IST]

சென்னை: வர வர எப்படியெல்லாம் சட்டை, டி சர்ட்டில் வாசகம் போடுவது என்று இல்லாமல் போய் விட்டது.. மக்களைக் கவர்ந்த வாசகங்களை வைத்து டி சர்ட் போடுவது இப்போது ஸ்டைலாகி வருகிறது. அந்த வகையில் தேமுதிக தலைவர் விஜயகாந்த், கோபத்தில் கக்கிய ஒரு வார்த்தையை டி சர்ட் வாசகமாக்கி கல்லா கட்ட ஆரம்பித்து விட்டனர்.

ஆன்லைனில் இந்த டிசர்ட்தான் தற்போது படு பிரபலமாக விற்பனையாகி வருகிறதாம். தூக்கி அடிச்சுருவேன் பார்த்துக்க என்ற வாசகம்தான் அது.

அது மட்டுமல்லாமல் காமெடிப் புயல் வடிவேலுவின் வசனத்தையும் டி சர்ட்டில் பிரிண்ட் செய்து பின்னி அடித்து வருகிறது இந்த ஆன்லைன் துணி விற்பனை நிலையம்.

தூக்கி அடிச்சிருவேன்

டெல்லிக்குப் போன இடத்தில் ஜெயா டிவி நிருபர் ஒருவர் அக்கப்போரான கேள்விகளைக் கேட்க கடும் கோபமாகிப் போன விஜயகாந்த் உதிர்த்த வாசகம்தான் தூக்கி அடிச்சுருவேன் பார்த்துக்க.

அதை தூக்கி டி சர்ட்டில் போடு

இப்போது அந்த வாசகத்தை டி சர்ட்டில் போட்டு வியாபாரமாக்கி விட்டனர். சும்மா சொல்லக் கூடாது அந்த டிசர்ட்டும் படு வேகமாக விற்பனையாகி வருகிறதாம். 350 ரூபாயாம் ஒரு டி சர்ட்டின் விலை.