பேச்சுவார்த்தைக்கும் சுற்றுப்பயணத்திற்கும் தொடர்பில்லை : கே.பி முனுசாமி - வீடியோ

சென்னை: ஓபிஎஸ் சுற்றுப்பயணம் செய்வதற்கும் அதிமுக இணைப்பு பேச்சுவார்த்தைக்கும் தொடர்பு இல்லை என்று அதிமுக புரட்சித்தலைவி அம்மா அணியின் கே.பி. முனுசாமி கூறியுள்ளார்.

சென்னை கிரீன்வேஸ் சாலையில் உள்ள ஓபிஎஸ் இல்லத்தில் கே.பி.முனுசாமி செய்தியாளர்களிடம் பேசினார். அப்போது அவர், ஓபிஎஸ் அணி சார்பில் மாநிலம் முழுவதும் சுற்றுப்பயணம் செய்து மக்களை சந்திக்க முடிவு செய்துள்ளோம்.

வரும் 5ம் தேதி காஞ்சிபுரத்தில் சுற்றுப்பயணம் தொடங்குகிறது. காஞ்சிபுரம் கிழக்கு மாவட்டத்தில் நிர்வாகிகள், செயல்வீரர்கள் கூட்டம் நடைபெறும். உள்ளாட்சித் தேர்தலில் போட்டியிடுவது குறித்து தொண்டர்களுக்கு அறிவுரை வழங்கவும் திட்டமிட்டுள்ளோம்.

சுற்றுப்பயணத்துக்கும் பேச்சுவார்த்தைக்கும் எந்த வித தொடர்பும் இல்லை. இரு அணிகள் இணைய நாங்கள் நிபந்தனை விதிப்பது மக்களின் நன்மைக்காகவே. எங்களின் நிபந்தனையை எடப்பாடி பழனிசாமி அணி ஏற்றால் அவர்களுக்கு நல்லது நடக்கும்'' என்று கே.பி.முனுசாமி கூறினார்

English summary

O.Pannerselvam team K.P.Munusamy meet press persons at greenways road, he announced O.Panneerselvam tour plan on May 5.