சுங்கசாவடி தகர்த்த சோழன் #வேல்முருகன்.. குவியும் வாழ்த்துகள்!

சுங்கச்சாவடியை சூறையாடிய வேல்முருகனுக்கு சமூக வலைத்தளங்களில் பாராட்டு குவிகிறது.

சென்னை: காவிரி மேலாண்மை வாரியம் அமைக்காத மத்திய அரசைக் கண்டித்து தமிழக வாழ்வுரிமைக் கட்சியினர் அதன் தலைவர் வேல்முருகன் தலைமையில் உளுந்தூர்பேட்டை செங்குறிச்சி சுங்கச்சாவடியை முற்றுகையிடும் போராட்டத்தை நடத்தினர்.

அப்போது சுங்கச்சாவடி ஊழியர்களுக்கும், தவாகவினருக்கும் இடையே ஏற்பட்ட வாக்குவாதத்தில் தமிழக வாழ்வுரிமைக் கட்சியினர் சுங்கச்சாவடி அலுவலகத்தை அடித்து நொறுக்கினர்.

இதனால் வேல்முருகன் உள்ளிட்டோர் கைது செய்யப்பட்டுள்ளனர். தற்போது சமூக வலைத்தளங்களில் வேல்முருகனின் போராட்டத்திற்கு ஆதரவு வலுத்து வருகிறது.

போராட்டம் என்றால் எங்க அண்ணன் #வேல்முருகன் மாதிரி பன்னனும்.

சொன்னாரு செஞ்சாரு....!#சுங்கச்சாவடி_அடித்து_நொருக்கப்பட்டது.

தமிழன் என்றால் இப்படி சூடு சொரனை இருக்கனும். குறைந்தபட்சம் அவருக்கு ஆதரவாவது தெரிவிக்கனும்.

— தமிழன் (@mbalajieee) April 1, 2018

அதிரடியான போராட்டம்

வேல்முருகனின் போராட்டத்திற்கு மக்கள் பலரும் சமூக வலைத்தளங்களில் ஆதரவாக பதிவிட்டுவருகிறார்கள். ஒரு ட்விட்டரில் பதிவில், போராட்டம் என்றால் இதுதான் போராட்டம்.. இது போன்ற போராட்டத்திற்கு ஆதரவு அளிக்க தமிழர்கள் முன் வர வேண்டும் என்று குறிப்பிட்டுள்ளார்.

முதல் அடியை முந்திரிக்காடு தொடங்கிவைத்தது.

அன்றும் இன்றும் தமிழகத்துக்கு முன்மாதிரி முந்திரிக்காடு தான்.

தமிழர் என்றால் மட்டமா?
இது தான் இந்திய சட்டமா??#IndiaBetraysTamilnadu#வேல்முருகன் #தவாக

— M Rajasekar (@MRajase44817350) April 1, 2018

இதுதான் இந்திய சட்டமா ?

தமிழர்கள் என்றால் மத்திய அரசு எப்போதும் கிள்ளுக்கீரையாக பார்க்கிறது. இதைத்தான் அரசியலமைப்புச் சட்டம் குறிப்பிட்டு இருக்கிறதா என்று இன்னொரு பதிவில் கேள்வியெழுப்பப்பட்டுள்ளது.

பெரிய கட்சி எல்லாம் பழைய கேஸ் அது இதுன்னு பயந்துட்டு ஆக்ரோசமான எதிர்ப்பு காட்டமாட்டானுக, இவங்க இன்னிக்கு பன்னது தரமான சம்பவம்👌#வேல்முருகன் #உளுந்தூர்பேட்டை pic.twitter.com/ijSC8jsy4E

— shravan (@mannakanoj) April 1, 2018

வாழ்த்துகள் வேல்முருகன்

தமிழகத்தின் பெரிய கட்சிகள் எல்லாம் வழக்கு, பின் விளைவுகள் என்று பயந்து கொண்டு இருக்கும்போது தமிழக வாழ்வுரிமைக் கட்சியினர் செய்திருப்பது தரமான சம்பவம் என்றும், வேல்முருகனுக்கு வாழ்த்துகளும் என்றும் ஒரு பதிவில் குறிப்பிடப்பட்டுள்ளது.

நீர் மறுப்பதும், நீதியை மறுப்பதும்தான் வன்முறை. வரியை மறுப்பது வன்முறை அல்ல.#IndiaBetraysTamilnadu#வேல்முருகன் #சுங்கவரி #சுங்கச்சாவடி

— Blessly John (@BlesslyJohn) April 1, 2018

வரி மறுப்பது சரிதான்

இன்னொரு ட்விட்டரில் பதிவில், நீதி மறுப்பதும், நீர் மறுப்பதும் தான் வன்முறை. வரி மறுப்பது அல்ல ; எங்களுக்கு நீர் இல்லையென்றால் உங்களுக்கு வரி இல்லை என்று பதிவிடப்பட்டுள்ளது.

சுங்கம் தவிர்த்த சோழன் #குலோத்துங்கன்

சுங்கசாவடி தகர்த்த சோழன் #வேல்முருகன்.

— அருள்குமார் (@Tamilkkanal) April 1, 2018

சுங்கச்சாவடி தகர்த்த சோழன்

இன்னொரு ட்விட்டர் பதிவில், அன்றைய சோழன் சுங்கம் தவிர்த்தான். இன்றைய சோழன் சுங்கம் தகர்த்தான் என்றும் வேல்முருகனைக் குறிப்பிட்டு பாராட்டுத் தெரிவித்துள்ளனர். வேல்முருகனின் இந்தப் போராட்டத்தால், சமூக வலைத்தளங்களில் அவருக்கு ஆதரவு பெருகியுள்ளது.

English summary

People Praising Velmurugan in Social Medias for Tollgate Protest. Tamizhaga Valurimai Katchi Leader Velmurugan and his party Cadres attacked Tollgate near Ulundurpet and Condemns Central Government for Cauvery Management Board.