அதற்கு ஆசிரியர்கள் வேண்டாம், ஜெயலலிதா, தினகரன் போதும்.. ஓபிஎஸை கிண்டலடித்த ராமதாஸ்
எங்களைப் போன்ற நல்ல அரசியல்வாதிகள் என ஓபிஎஸ் கூறியதை பாமக நிறுவனர் ராமதாஸ் கிண்டடிலடித்துள்ளார்.
சென்னை: எங்களைப் போன்ற நல்ல அரசியல்வாதிகள் என ஓபிஎஸ் கூறியதை பாமக நிறுவனர் ராமதாஸ் கிண்டடிலடித்துள்ளார்.
ஆசிரியர் பணி நியமன விழா சென்னை பல்கலைக்கழகத்தில் இன்று நடைபெற்றது. இதில் முதல்வர் எடப்பாடி பழனிச்சாமி, துணை முதல்வர் ஓ.பன்னீர்செல்வம், அமைச்சர்கள் செங்கோட்டையன், திண்டுக்கல் சீனிவாசன் உள்ளிட்ட பலர் கலந்து கொண்டனர்.
நிகழ்ச்சியில் பேசிய துணை முதல்வர் ஓ.பன்னீர்செல்வம் ஆசியர்கள் எங்களைப் போன்ற நல்ல அரசியல்வாதிகளை உருவாக்க வேண்டும் என்றார். இந்நிலையில் பாமக நிறுவனர் ராமதாஸ் ஓபிஎஸின் இந்த பேச்சை கிண்டலடித்து தனது டிவிட்டர் பக்கத்தில் கருத்து தெரிவித்துள்ளார்.
எங்களைப் போன்ற நல்ல அரசியல்வாதிகளை ஆசிரியர்கள் உருவாக்க வேண்டும்: ஓ.பன்னீர்செல்வம் - அதற்கு ஆசிரியர்கள் வேண்டாம், ஜெயலலிதா, தினகரன் போதும்!
— Dr S RAMADOSS (@drramadoss) September 21, 2017
அதாவது எங்களைப் போன்ற நல்ல அரசியல்வாதிகளை ஆசிரியர்கள் உருவாக்க வேண்டும் என ஓ.பன்னீர்செல்வம் கூறியதை மேற்கொள்காட்டியுள்ள ராமதாஸ் அதற்கு ஆசிரியர்கள் வேண்டாம், ஜெயலலிதா, தினகரன் போதும் என கிண்டலடித்து பதிவிட்டுள்ளார்.