• search
For Quick Alerts
ALLOW NOTIFICATIONS  
For Daily Alerts

காற்றாலை மின் உற்பத்தி திடீர் சரிவு.. மீண்டும் வருமா பல மணி நேர மின்வெட்டு?

|

நெல்லை: கடந்த சில வாரங்களாக நல்ல முறையில் கிடைத்து வந்து காற்றாலை மின்சாரம் திடீரென சரிந்ததால் மீண்டும் பல மணி நேர மின்வெட்டு ஏற்படும் அபாயம் ஏற்பட்டுள்ளது.

சமீப காலமாக காற்றாலை மின்சாரம் போதிய அளவு கிடைத்து வந்தது. இதனால் மின்வெட்டு நேரம் கணிசமாக குறைந்தது.

மேலும் குளிர்காலம் என்பதால் ஏசி உள்ளிட்டவற்றின் பயன்பாடும் குறைந்திருந்தது. இதனாலும் மின்வெட்டு அடியோடு குறைந்திருந்தது. ஆனால் தற்போது காற்றாலை மின்சாரம் குறைந்திருப்பதாக வெளியாகியுள்ள தகவல் மக்களை அச்சம் கொள்ள வைத்துள்ளது.

தினசரி 11,000 மெகாவாட் தேவை

தினசரி 11,000 மெகாவாட் தேவை

தமிழகத்தில் நாள்தோறும் 11 ஆயிரம் மெகாவாட்டுக்கும் மேல் மின்சாரம் தேவைப்படுகிறது. ஆனால் பற்றாக்குறை சுமார் 3000 மெகா வாட் வரை ஏற்படுகிறது. இதனால் அறிவிக்கப்படாத மின் வெட்டு அமுலில் இருக்கின்றது.

ஏசி குறைந்தும் தேவை குறையவில்லை

ஏசி குறைந்தும் தேவை குறையவில்லை

தற்போது குளிர் நிலவி வருவதால் ஏசி, மின்விசிறி போன்றவற்றின் பயன்பாடுகள் வெகுவாக குறைந்துள்ளது. ஆயினும் மின் தேவை குறைந்தபாடில்லை.

காற்றாலைகளால் மின்வெட்டு கட்டுக்குள் வந்தது

காற்றாலைகளால் மின்வெட்டு கட்டுக்குள் வந்தது

இந்த நிலையில் கடந்த சில மாதங்களுக்கு முன்பு காற்றாலை மூலம் நன்கு மின்சாரம் கிடைத்து வந்தது. இதனால் மின் வெட்டு ஓரளவுக்கு தளர்த்தப்பட்டது.

மீண்டும் குறைந்த காற்றாலை மின்சாரம்

மீண்டும் குறைந்த காற்றாலை மின்சாரம்

ஆனால் கடந்த சில வாரங்களாக காற்றாலை மின் உற்பத்தி மீண்டும் குறைய தொடங்கியுள்ளது. இரட்டை இலக்க அளவை தாண்டவே இல்லை. கடந்த மாதம் அதிகபட்சமாக 1250 மெகா வாட் அளவுக்கு கிடைத்த காற்றாலை மின்சாரம் தற்போது இறங்கு முகமாக இருப்பதால் தமிழக மின் வாரியம் திகைப்பில் உள்ளது.

நேற்று இரவு வரை 110 மெகாவாட்தான்

நேற்று இரவு வரை 110 மெகாவாட்தான்

நேற்று இரவு வரை காற்றாலை மூலம் அதிகபட்சமாக 110 மெகா வாட் மட்டுமே மின்சாரம் கிடைத்தது. அது அதிகாலை மேலும் குறைந்து 90 மெகா வாட் மட்டுமே கிடைத்தது. காற்றாலை மின் உற்பத்தி இப்படி திடீரென சரிந்ததால் மின் பற்றாக்குறை ஏற்பட்டுள்ளது. இதனால் மீண்டும் அறிவிக்கப்படாத மின் வெட்டு அமுலாகும் என்று எதிர்பார்க்கப்படுகிறது.

புத்தாண்டு முதல் பல மணி நேர மின்வெட்டு வருமா..

புத்தாண்டு முதல் பல மணி நேர மின்வெட்டு வருமா..

புத்தாண்டுக்கு இன்னும் 1 நாளே உள்ள நிலையில் வணிக நிறுவனங்களில் அதிக அளவில் வியாபாரம் நடக்கும். அந்த சமயத்தில் அதிக மின் நுகர்வு இருக்கும். தற்போது மின்சாரம் குறைந்த அளவில் கிடைத்து வருவதால் வியாபாரிகளும் கையை பிசைய தொடங்கியுள்ளனர். இதனால் அதனை கருத்தில் கொண்டு பகல் நேரத்தில் மின்வெட்டு அதிகரிக்கும் என்று கூறப்படுகிறது.

 
 
 
English summary
Power cut fear looms large in Tamil Nadu due to the fall in wind power production.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X