For Quick Alerts
ALLOW NOTIFICATIONS  
For Daily Alerts
Just In
Oneindia App Download

புலி டீஸர் திருட்டுத்தனமாக இணையத்தில் வெளியீடு... கேரள இளைஞர் கைது

Google Oneindia Tamil News

சென்னை: விஜய் நடித்துள்ள புலி படத்தின் டிரைலரை திருட்டுத்தனமாக இணையதளங்களில் வெளியிட்ட கேரள இளைஞரை சென்னை போலீசார் கைது செய்துள்ளனர்.

சிம்புதேவன் இயக்கத்தில் விஜய் கதாநாயகனாக நடித்துள்ள படம் புலி. சிபு, பி.டி.செல்வகுமார் தயாரித்துள்ள இப்படத்தில் ஸ்ரீதேவி முக்கிய கதாபாத்திரத்தில் நடித்துள்ளார். விஜயின் ஜோடியாக சுருதிஹாசன் மற்றும் ஹன்சிகா நடித்துள்ளனர்.

'Puli' Teaser Leak: Chennai Police Arrest Suspect Mithun from Mixing Studio

தேவி ஸ்ரீபிரசாத் இசையமைத்து வரும் இப்படத்துக்கு நட்ராஜ் ஒளிப்பதிவு செய்திருக்கிறார். பி.டி.செல்வகுமார் மற்றும் தமீன் பிலிம்ஸ் இணைந்து தயாரித்து வருகிறார்கள்.

ஹூட்டிங்...

இப்படத்தின் முக்கியக் காட்சிகள் கேரள மாநிலம் சாலக்குடியிலும், திருப்பதி அருகே தலக்கோணம் காட்டிலும் படமாக்கப் பட்டது. சென்னை கிழக்கு கடற்கரை சாலையிலும் பிரம்மாண்ட அரங்குகள் அமைத்து சில காட்சிகள் படமாக்கப் பட்டன.

எடிட்டிங்...

புலி படத்தின் படப்பிடிப்புகள் முழுவதும் முடிவடைந்த நிலையில், டப்பிங் மற்றும் எடிட்டிங் பணிகள் தற்போது நடைபெற்று வருகின்றன. ஆகஸ்ட் மாதம் இப்படம் ரிலீசாகும் எனத் தெரிகிறது.

டீஸர்...

இந்நிலையில், விஜய் பிறந்தநாளையொட்டி இன்று இப்படத்தின் டீஸரை வெளியிட தயாரிப்பாளர்கள் திட்டமிட்டிருந்தனர். ஆனால், முன்னதாக புலி பட டீஸர் இணையத்தில் திருட்டுத்தனமாக வெளியானது.

புகார்...

இதைக் கண்டு அதிர்ச்சியடைந்த தயாரிப்பாளர்கள் தமிழ் திரைப்பட தயாரிப்பாளர்கள் சங்கத்தில் புகார் அளித்துள்ளனர். அப்புகாரில், ‘பல கோடி ரூபாய்களை முதலீடு செய்து நாங்கள் படம் தயாரிக்கிறோம். விஜய் பிறந்தநாளையொட்டி படத்தின் டிரைலரை ரசிகர்களுக்கு விருந்தாக கொண்டு வர முடிவு செய்திருந்தோம்.

திருட்டுத்தனமாக...

அதற்குள் சென்னை நுங்கம்பாக்கத்தில் உள்ள ஒலி சேர்க்கை ஸ்டூடியோவில் இருந்து யாரோ சில விஷமிகள் டிரைலரை திருடி இணையதளங்களில் வெளியிட்டுள்ளனர். இது மிகவும் வன்மையாக கண்டிக்கத்தக்கது" என அவர்கள் குறிப்பிட்டுள்ளனர்.

அதிகாரப்பூர்வ டீஸர்...

இதற்கிடையே, டீஸர் இணையத்தில் லீக் ஆனதைத் தொடர்ந்து படக்குழு உடனடியாக இரவு 12 மணிக்கு வெளியிட இருந்த டீஸரை மதியமே இணையத்தில் அதிகாரபூர்வமக வெளியிட்டது.

கைது...

இந்த புகாரைத் தொடர்ந்து போலீசார் மேற்கொண்ட விசாரணையில், திருவனந்தபுரத்தைச் சேர்ந்த மிதுன் (28) என்பவர் கைது செய்யப் பட்டார். இவர் ஒலிசேர்க்கை ஸ்டூடியோவில் பயிற்சி பெற்று வந்தவர் ஆவார்.

English summary
The Chennai police on Sunday reportedly arrested an employee of a mixing studio on charge of leaking the first look teaser of Vijay's upcoming film "Puli" online.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X