கருணாநிதியின் இறுதிச்சடங்கு... சென்னை வருகின்றனர் ராகுல் உள்ளிட்ட அரசியல் தலைவர்கள்!
திமுக தலைவர் கருணாநிதியின் இறுதிச்சடங்கில் பங்கேற்பதற்காக காங்கிரஸ் தலைவர் ராகுல் காந்தி சென்னை வருகிறார்.
Recommended Video
சென்னை: திமுக தலைவர் கருணாநிதியின் உடலுக்கு நேரில் அஞ்சலி செலுத்த காங்கிரஸ் தலைவர் ராகுல் காந்தி, டெல்லி முதல்வர் அரவிந்த் கெஜ்ரிவால் உள்ளிட்டோர் சென்னை வரவுள்ளனர்.
வயது மூப்பு காரணமாக ஏற்பட்ட உடல் உபாதைகளுக்கு சிகிச்சைப் பலனின்றி சென்னை காவேரி மருத்துவமனையில் இன்று மாலை காலமானார் திமுக தலைவர் கருணாநிதி. அவரது உடல் தற்போது சென்னை கோபாலபுரம் இல்லத்தில் வைக்கப்பட்டுள்ளது. இதையடுத்து, சிஜடி காலனி இல்லத்திலும் வைக்கப்பட இருக்கிறது. காலை வரை உறவினர்கள் அஞ்சலி செலுத்துவார்கள்.
அதன் தொடர்ச்சியாக காலை 4.30 மணி முதல் ராஜாஜி ஹாலில் அவரது உடல் பொதுமக்கள் அஞ்சலிக்காக வைக்கப்பட இருக்கிறது. அவரது உடலுக்கு பிரதமர் உள்பட முன்னணி தலைவர்கள் நேரில் அஞ்சலி செலுத்த இருக்கின்றனர்.
இதற்காக கேரளா முன்னாள் முதலமைச்சா் உம்மன்சாண்டி நாளை காலை 7.35 மணி விமானத்தில் கொச்சியிலிருந்து சென்னை வருகிறார். இதேபோல், டெல்லி முதல்வர் அரவிந்த் கெஜ்ரிவால், காங்கிரஸ் தலைவா் ராகுல்காந்தி, குலாம்நபி ஆசாத் மற்றும் முகுல்வாஸ்ணிக் உள்ளிட்டோர் பகல் 12.40 மணி விமானத்தில் டெல்லியில் இருந்து சென்னை வருகின்றனர்.