For Daily Alerts
Just In
தமிழகத்தில் இன்று மழை பெய்யும்... வானிலை மையம்!
சென்னை: தமிழகம் மற்றும் புதுச்சேரியில் வெப்பச் சலனம் காரணமாக இன்று மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.
கேரளாவில் தென்மேற்கு பருவமழை தீவிரம் அடைந்துள்ளது. தமிழகத்திலும் சென்னை உள்ளிட்ட இடங்களில் பரவலாக மழை பெய்து வருகிறது. சென்னையில் நேற்று முன்தினம் இரவு மற்றும் நேற்று காலையில் மழை பெய்து சூட்டைத் தணித்தது.
நேற்று காலைக்குப் பிறகு பகல் முழுக்க வெயில் வறுத்தெடுத்தது. இரவு மீண்டும் மேகமூட்டத்துடன் காணப்பட்டது. இன்று காலையிலும் மேகமூட்டம் உள்ளது.
வெப்பச் சலனம் காரணமாக இன்று (செவ்வாய்க்கிழமை) தமிழகம், புதுச்சேரியில் மழை பெய்யும் என்று வானிலை ஆய்வு மையம் தெரிவித்துள்ளது.
Comments
English summary
The Meteorological department of Chennai is forecasting rain Today in Tamil Nadu and Pudhucherry including Chennai.
Story first published: Tuesday, June 21, 2016, 8:14 [IST]