ரெயின்டிராப்ஸ் வழங்கும் ஜிங்கில் பெல் கிருஸ்துமஸ் நிகழ்ச்சி
ரெயின்டிராப்ஸ் தனியார் நிறுவனம் சார்பில் இன்று கிருஸ்துமஸ் பண்டிகை கொண்டாடப்பட உள்ளது.
ஏழை, ஆதரவற்றவர்களுக்கு நலத்திட்ட உதவிகள் வழங்கும் நிறுவனம் ரெயின்டிராப்ஸ். இந்நிறுவனம் மூலம் பல சமூக விழிப்புணர்வு நிகழ்வுகள் நடத்தப்படுகின்றன.
உலக எய்ட்ஸ் தினத்தை முன்னிட்டு ரெயின்டிராப்ஸ் அமைப்பு சார்பில் மாற்றம் தேடி 2014ம் ஆண்டு சிறப்பு காலண்டர் வெளியீட்டு விழா சென்னை வடபழனியில் நடந்தது. முதல் காலண்டரை இயக்குனர் பாலச்சந்தர் வெளியிட இயக்குனர் முருகதாஸ் பெற்றுக் கொண்டார்.
கிருஸ்துமஸ் பண்டிகை
டிசம்பர் 23ம் தேதி ஸ்பென்சர் பிளாசாவில் ‘ஜிங்கில் பெல்' என்ற சிறப்பு நிகழ்ச்சி நடைபெறுகிறது. இந்த நிகழ்ச்சியின் சிறப்பு விருந்தினர்களாக இசையமைப்பாளர் ஜேம்ஸ் வசந்தன், ஏ.ஆர்.ரஹ்மானின் சகோதரி ஏ.ஆர்.ரஹைனா ஆகியோர் பங்கேற்கின்றனர். இந்த நிகழ்ச்சியில் 260 சிறுவர்களுக்கு போட்டிகள், பரிசுகள் வழங்கப்பட உள்ளன.