அதிமுக தொடங்குனப்ப தினகரன் சின்ன பையன், அப்புறம் எப்படி கட்சி விதி தெரியும்?...வைத்திலிங்கம் சீண்டல்
அதிமுக கட்சி தொடங்கிய போது தினகரனுக்கு 8 வயது தான் அதனால் அவருக்கு கட்சி விதிகள் தெரியாது என்று மாநிலங்களவை உறுப்பினர் வைத்திலிங்கம் தெரிவித்துள்ளார்.
கும்பகோணம் : அதிமுக தொடங்கப்பட்ட போது டிடிவி. தினகரனுக்கு 8 வயது தான் என்பதால் அவருக்கு கட்சி விதிகள் தெரியாது என்று மாநிலங்களவை உறுப்பினர் வைத்திலிங்கம் கூறியுள்ளார்.
கும்பகோணத்தில் செய்தியாளர்களிடம் பேசிய மாநிலங்களவை உறுப்பினர் வைத்திலிங்கம் கூறியதாவது : அதிமுக கட்சி தொடங்கப்பட்ட போது டிடிவி. தினகரனுக்கு 8 வயது தான். அதனால் அவருக்கு கட்சி விதி தெரியாது.
ராமருக்கு அணில் எப்படி உதவியதோ அது போலத் தான் நானும் கட்சிக்காக உதவியாக இருக்கிறேன்.
கட்சிக்காகவே பாடுபடும் என்னை துரோகி என்று யாராலும் சொல்ல முடியாது என்றும் அவர் கூறியுள்ளார்.
அண்மையில் சசிகலா உறவினர்களின் வீடுகளில் வருமான வரி சோதனை நடைபெற்றதற்கும் முதல்வருக்கும் தொடர்பு இருப்பதாக தான் நினைக்கவில்லை என்று விவேக்கின் நண்பர் தொலைக்காட்சிக்கு அளித்திருந்த பேட்டியில் கூறி இருந்தார். மேலும் சசிகலா குடும்பத்திற்கு நெருக்கமான வைத்திலிங்கம் எம்பியே வருமான வரித்துறையினருக்கு தகவல் கொடுத்திருக்கலாம் என்றும் அவர் கூறி இருந்தார்.
ஆனால் ஊடகங்களில் வந்த இந்த குற்றச்சாட்டை வைத்திலிங்கம் எம்.பி மறுத்திருந்தார். வருமான வரி கட்டாதவர்கள் மீது வழக்கமாக எடுக்கப்படும் நடவடிக்கை தான் எடுக்கப்பட்டிருக்கிறது என்றும் அவர் கூறியிருந்தார்.