பிளஸ்டூவில் சாதனை படைத்த 'ஜானகி அம்மாவி'ன் பேத்தி ஸ்ருதி.. 1172 மதிப்பெண் பெற்று அசத்தல்!
ராமநாதபுரம்: இன்று வெளியான பிளஸ் 2 தேர்வு முடிவில் ராமநாதபுரம் மாவட்டத்தில் ஸ்ருதி என்ற மாணவி முதலிடம் பிடித்துள்ளார்.
இவர் 1172 மதிப்பெண்கள் எடுத்துள்ளார். சினிமா பின்னணி பாடகியான இவர் இதுவரை 3 படங்களில் பின்னணி பாடி உள்ளார் என்பது குறிப்பிடத்தக்கது.
தற்போது மேலும் 7 தமிழ்ப் படங்களில் பின்னணி பாடி வருகிறார்.
உ படத்தில் அறிமுகம்:
பாடகி ஸ்ருதி "உ" படத்திற்காக "திக்கித் தெணறுது தேவதை" என்ற பாடல் மூலமாக தமிழ் திரைக்கு அறிமுகமானவர். இப்பாடல் யூடியூபில் 10 லட்சத்திற்கும் மேலானவர்களால் ரசிக்கப்பட்டிருந்தது.
அகத்திணையில் ஒரு பாட்டு:
மதுரை மாவட்டம், தேசிய செய்திகள், பள்ளிசாலை, சயனம், சாந்தம், ரணம் உட்பட பல படங்களில் பாடியுள்ள பாடகி ஸ்ருதி அகத்திணை படத்தில் இடம் பெற்றுள்ள வைரமுத்துவின் "தந்தையும் நீயே, தாய்மடி நீயே" என்ற பாடலை பாடியுள்ளார்.
தந்தைக்காக ஒரு பாடல்:
தாய் இல்லாமல் தந்தையால் வளர்க்கப்படும் ஒரு பெண் குழந்தை, தன் தந்தையை பற்றி புகழ்ந்து பாடுவதாக அமைந்துள்ளது இந்த பாடல்.
ஜானகி அம்மாவின் பேத்தி:
தமிழ் சினிமாவில் குழந்தை குரலில் ஜானகி அம்மா தான் பாடி அசத்துவாங்க. அப்படி பார்த்தா உன்னை ஜானகி அம்மா பேத்தின்னு சொன்னாலும் தப்பில்லை என்று சிலர் பாராட்டியதைக் கேட்டு மிகுந்த சந்தோசத்தில் இருக்கும்ஸ்ருதிக்கு இந்த பிளஸ் 2 வெற்றி டபுள் டிரீட்டாக அமைந்துள்ளது.