ஃபுல் மப்பில் இருந்ததால் கொத்தாக சிக்கிய சென்னை ரவுடிகள்!

சென்னை மலையம்பாக்கத்தில் ரவுடிகள் கொத்தாக சிக்கியதற்கான காரணம் வெளியாகியுள்ளது.

Updated: Thursday, February 8, 2018, 13:00 [IST]

லாரி ஷெல்டரில் பார்ட்டி

ஒட்டுமொத்த ரவுடிகளும் ஒன்றாக சங்கமிக்கும் தகவலை அறிந்த போலீசார் பிறந்த நாள் பார்ட்டி நடந்த மலையம்பாக்கம் வேலு லாரி ஷெல்டரை சுற்றி வளைத்தனர். போலீஸ் வாகனத்தில் சென்றால் தகவல் தெரிந்து ரவுடிகள் எஸ்கேப்பாகிவிடுவார்கள் என்று எண்ணிய போலீசார் தனியார் வாகனத்தில் சென்றனர்.

75 ரவுடிகள் கைது

மேலும் ரவுடிகளை போலவே மாற்று உடையில் சென்ற 40க்கும் மேற்பட்ட போலீசார் துப்பாக்கி முனையில் கைது செய்தனர். 75 ரவுடிகளை போலீசார் அலேக்காக தூக்கினர்.

ஃபுல் மப்பில் இருந்ததால்

100க்கும் மேற்பட்ட ரவுடிகள் பங்கேற்ற பர்த்டே பார்ட்டியில் 75 ரவுடிகளை மட்டுமே போலீசாரால் கைது செய்ய முடிந்தது. சிக்கிய இந்த 75 ரவுடிகளும் புல் மப்பில் தலைக்கால் புரியாமல் இருந்ததால் ஓட முடியாமல் பிடிபட்டதாக போலீஸ் தரப்பில் தெரிவிக்கப்பட்டுள்ளது.

நிதானமாக இருந்தவர்கள்

நிதானத்துடன் இருந்த மற்ற ரவுடிகள் தப்பியோடிவிட்டதாகவும் போலீசார் தெரிவித்தனர். இந்நிலையில் தப்பியோடிய ரவுடிகளை பிடிக்க 4 தனிப்படைகள் அமைக்கப்பட்டுள்ளதாகவும் போலீசார் தெரிவித்துள்ளனர்.