• search
For Quick Alerts
ALLOW NOTIFICATIONS  
For Daily Alerts

சகாயம் விசாரணையை தமிழகம் முழுவதும் விரிவுபடுத்துங்கள்: ராமதாஸ் கோரிக்கை

|

மதுரை: மதுரை பகுதியில் கிரானைட் முறைகேடு குறித்து விசாரித்து வரும் சகாயம் குழுவின் விசாரணையை மற்ற மாவட்டங்களுக்கும் விரிவுபடுத்த வேண்டும் என பாமக நிறுவனர் டாக்டர் ராமதாஸ் வலியுறுத்தியுள்ளார்.

மதுரையில் நேற்று செய்தியாளர்களைச் சந்தித்தார் பாமக நிறுவனர் ராமதாஸ். அப்போது அவர் கூறியதாவது:-

‘Sagayam should conduct probe in other districts’: Ramadoss

வறுமையில் தள்ளிய திராவிடக் கட்சிகள்

இலவசம், சாராயம், சினிமா மோகத்தை 50 ஆண்டுகளாக கடைப்பிடிக்கும் திராவிட கட்சிகளால் மக்கள் வறிய நிலைக்கு தள்ளப்பட்டுள்ளனர். விவசாயம் பாதிக்காத தொழில் கொள்கையை பாமக விரைவில் அறிவிக்கும்.

திட்டக் கமிஷன் கருத்து ஏற்புடையதல்ல

விளை நிலங்களை கையகப்படுத்தும் மசோதாவை வாபஸ் பெற்றதாக மத்திய அரசு கூறுகிறது. இதன் முந்தைய சட்டத்தை மாநில அரசுகள் பின்பற்ற வேண்டும் என திட்ட கமிஷன் கூறுவது ஏற்புடையதல்ல.

10 மடங்கு நஷ்ட ஈடு தேவை

விளை நிலங்களை கையகப்படுத்தும் போது விவசாயிகளுக்கு பத்து மடங்கு நஷ்டஈடு வழங்க வேண்டும்.தமிழகத்தின் மின் தேவையை பூர்த்தி செய்ய 20 ஆண்டுக்கு முன்பே திட்டமிடப்பட்டிருக்க வேண்டும். தற்போதைய மின் தேவை நாள் ஒன்றுக்கு ஆயிரம் மெகாவாட் பற்றாக்குறையாக உள்ளது.

நிலம் அளித்தவருக்கு வேலை

தொழில் வளர்ச்சிக்காக நிலத்தை கையகப்படுத்தலாம். அவ்வாறு கையகப்படுத்தும் விவசாய நிலத்துக்கு 10 மடங்கு விலை தர வேண்டும். அங்கு அமையும் தொழிற்சாலையில் நிலம் அளித்தவருக்கு வேலை, தொழிற்சாலை இயக்குநர் குழுவில் இடமளிப்பது அவசியம்.

கிரானைட் முறைகேடு

மதுரை மாவட்டத்தில் நிகழ்ந்துள்ள கிரானைட் முறைகேட்டில் நில உச்சவரம்புக்கும் கூடுதலாக நிலம் வாங்கிய தனியார் நிறுவனம் மீது நடவடிக்கை எடுப்பதுடன், கூடுதல் நிலத்தை ஏழைகளுக்கு வழங்க வேண்டும்.

வெள்ளை அறிக்கை தேவை

தமிழக வளர்ச்சிக்கு 15 லட்சம் கோடி ரூபாயில் 2020 திட்டம் அறிவிக்கப்பட்டு ஆயிரம் கோடி ரூபாய் ஒதுக்கீடு செய்ததாக முதல்வர் ஜெயலலிதா கூறினார். இதுகுறித்து வெள்ளை அறிக்கை வெளியிட வேண்டும்.

நில உச்சவரம்பு மீறல்

கிரானைட் சுரண்டலில் நில உச்சவரம்பு மீறப்பட்டுள்ளது. மதுரையைப்போல அனைத்து மாவட்டங்களிலும் கனிமவள முறைகேடு குறித்த விசாரணையை ஐஏஎஸ் அதிகாரி சகாயம் மூலமாக மேற்கொள்ள வேண்டும் என்றார் டாக்டர் ராமதாஸ்.

பொருத்தமான வரன் தேடுகிறீர்களா? தமிழ் மேட்ரிமோனியில் - பதிவு இலவசம்!

 
 
 
English summary
The PMK founder Ramadoss said that, the Sagayam Commission, which is probing the multi-crore granite scam in Madurai, should be directed to examine other parts of Tamil Nadu as well.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X