கமல்ஹாசனுடன் சீமான் திடீர் சந்திப்பு!
நடிகர் கமல்ஹாசன் நாளை அரசியல் பயணத்தை தொடங்கவுள்ள நிலையில் அவரை சீமான் திடீரென சந்தித்துள்ளார்.
Recommended Video
சென்னை: நடிகர் கமல்ஹாசன் நாளை அரசியல் பயணத்தை தொடங்கவுள்ள நிலையில் அவரை நாம் தமிழர் கட்சியின் தலைமை ஒருங்கிணைப்பாளர் சீமான் திடீரென சந்தித்து வாழ்த்து தெரிவித்துள்ளார்.
நடிகர் கமல்ஹாசன் ராமேஸ்வரத்தில் இருந்து தனது அரசியல் பயணத்தை தொடங்கவுள்ளார். இதனை முன்னிட்டு பல்வேறு மூத்த தலைவர்களையும் கமல்ஹாசன் சந்தித்து வருகிறார்.
இந்நிலையில் நடிகர் கமல்ஹாசனை சென்னை ஆழ்வார்பேட்டையில் உள்ள அவரது வீட்டில் நாம் தமிழர் கட்சியின் தலைமை ஒருங்கிணைப்பாளர் கமலை நேரில் சந்தித்து சீமான் வாழ்த்து தெரிவித்ததாக கூறப்படுகிறது..
ரசிகனாக இருந்தவன்
இதைத்தொடர்ந்து இருவரும் கூட்டாக செய்தியாளர்களை சந்தித்தனர். அப்போது பேசிய சீமான், படிக்கும் காலத்தில் இருந்து கமலின் ரசிகனாக இருந்தவன் நான் என தெரிவித்தார்.
நானே அவரை பார்க்கவந்தேன்
அரசியலில் மாற்றத்தை கொண்டு வர விரும்புகிறார் கமல் என்று கூறிய சீமான், அவரை நேரில் சந்தித்து வாழ்த்து தெரிவிக்க வந்ததாக கூறினார். மாபெரும் கலைஞனான கமல்ஹாசன் தன்னை வந்து பார்ப்பதை விட நானே அவரை பார்க்க வந்தேன் என்றும் சீமான் கூறினார்.
வெற்றி பெற வாழ்த்து
கமலின் அரசியல் பயணம் புரட்சிகரமாகவும் வெற்றிகரமாகவும் இருக்க வாழ்த்துவதாகவும் சீமான் கூறினார். தானும் கமலும் ஒரே மண்ணைச் சேர்ந்தவர்கள் என்றும் சீமான் கூறினார்.
காலம்தான் முடிவு செய்யும்
கமலுடன் இணைந்து செயல்படுவது குறித்து காலம்தான் முடிவு செய்யும் என்றும் சீமான் தெரிவித்தார். நீங்கள் விரும்பினால் இணைந்து செயலாற்றுவோம் என்றும் சீமான் பத்திரிக்கையாளர்களிடம் தெரிவித்தார்.