டியர் பாசஞ்சர்ஸ், எல்லோரும் கையை மேலே தூக்குங்க.. நடுவானில் ஸ்பைஸ்ஜெட் நடத்திய யோகா

சென்னை: ஸ்பைஸ்ஜெட் விமான நிறுவனம் நேற்று தனது விமானங்களில் யோகா தினத்தைக் கொண்டாடி அசத்தியது.

ஈஷா பவுண்டேஷனுடன் இதற்காக அது இணைந்து யோகாசனப் பயிற்சியை ஓடும் விமானத்தில் செய்து பயணிகளிடையே ஆச்சரியத்தை ஏற்படுத்தியது.

இந்த யோகா பயிற்சியில் ஈஷா பவுண்டேஷன் பயிற்சியாளர்களுடன் சேர்ந்து விமான ஊழியர்களும், பயணிகளும் யோகா செய்து மகிழ்ந்தனர்.

முதலாவது யோகா தினம்

நேற்று உலகம் முழுவதும் முதலாவது சர்வதேச யோகா தினம் விமரிசையாக கொண்டாடப்பட்டது. இந்தியாவில் நேற்று எங்கு பார்த்தாலும் யோகா,. யோகா, யோகாதான்.

Happy #InternationalDayofYoga from all of us at #SpiceJet, from the ground to 35k feet in the air! Jai Hind #YogaDay pic.twitter.com/7SfHbEXAOa

— SpiceJet (@flyspicejet) June 21, 2015

விமானங்களிலும் கொண்டாட்டம்

இந்த நிலையில் ஸ்பைஸ்ஜெட் நிறுவனம் தனது விமானங்களிலும் நேற்று யோகா தினத்தைக் கொண்டாடியது. இதற்காக யோகா பயிற்சியாளர்கள் நேற்று ஸ்பைஸ்ஜெட் விமானங்களில் யோகா பயிற்சி அளித்தனர்.

சின்னச் சின்ன பயிற்சி

சின்னச் சின்ன ஆசனங்களை ஈஷா பவுண்டேஷனைச் சேர்ந்த யோகா மாஸ்டர்கள் சொல்லச் சொல்ல அதை விமான ஊழியர்களும், பயணிகளும் செய்தனர்.

ஜாலியான டிராவல்

வழக்கமான டிராவல் ஆக இல்லாமல் யோகாவுடன் கூடிய டிராவலாக அமைந்ததை பயணிகளும் மிகவும் ரசித்தனர். ஜாலியாக அனுபவித்து யோகா செய்து மகிழ்ந்தனர்.

ஸ்டிரஸ் குறைந்தது

இதுகுறித்து விமான நிறுவன பொது மேலாளர் அஜய் ஜஸ்ரா கூறுகையில், வழக்கமான பயண டென்ஷன், பதட்டம் ஆகியவை குறைந்து பயணிகள் மகிழ்ச்சியுடன் காணப்பட்டனர். உடல் வலி, முதுகு வலி உள்ளிட்டவையும் கூட நேற்று பயணிகளுக்கு ஏற்படவில்லை என்றார்.

குறிப்பிட்ட விமானங்களில்

சில நீண்ட தூர விமானங்களில் மட்டும் இந்த யோகா செஷனை நடத்தியது ஸ்பைஸ்ஜெட். இதற்காக 50 ஈஷா யோகா மாஸ்டர்கள் வந்திருந்தனர். ஒவ்வொரு விமானத்திலும் 10 நிமிடம் இந்த யோகா வகுப்பு நடந்தது.

English summary

SpiceJet teamed up with the Isha Foundation for Yoga to mark the first International Day of Yoga. Instructors from the foundation trained flight attendants from SpiceJet to perform some simple exercises aimed at relaxing the mind and bodies of the passengers and to release stress from travelling on long haul flights in increasingly cramped spaces.