For Quick Alerts
ALLOW NOTIFICATIONS  
For Daily Alerts
Oneindia App Download

தாம்பரம் அருகே லிப்ட்டுக்குள் மாணவியை பலாத்காரம் செய்ய முயன்ற மாணவர்கள் கைது!

Google Oneindia Tamil News

தாம்பரம்: சென்னையை அடுத்த தாம்பரம் அருகே லிப்ட்டுக்குள் வைத்து மாணவியை பலாத்காரம் செய்ய முயன்ற மாணவர்களைப் பொதுமக்கள் பிடித்து போலீசில் ஒப்படைத்தனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

மத்திய பிரதேச மாநிலத்தை சேர்ந்தவர் பல்விலால் இஷா. இவர் பொத்தேரியில் உள்ள ஒரு அடுக்குமாடி குடியிருப்பில் தங்கியிருந்து காட்டாங்கொளத்தூரில் உள்ள ஒரு தனியார் கல்லூரியில் பி.பி.ஏ 3 ஆம் ஆண்டு படித்து வருகிறார். பகுதி நேரமாக ஒரு தனியார் நிறுவனத்திலும் வேலை பார்த்து வருகிறார்.

Students arrested for rape a girl inside a lift

அதே அடுக்குமாடி குடியிருப்பில் பீகார் மாநிலம் பாட்னாவை சேர்ந்த சரத்குமார், உத்திர பிரதேச மாநிலத்தை சேர்ந்த சந்தன்குமார் ஆகிய இரு மாணவர்களும் தங்கி இருக்கிறார்கள். இவர்களும் இஷா படிக்கும் கல்லூரியில் எஞ்சினியரிங் இறுதியாண்டு படித்து வருகிறார்கள்.

பல்விலால் இஷா நேற்று இரவு 10.30 மணியளவில் பணி முடிந்து வீடு திரும்பினார். மேல் தளத்தில் உள்ள தனது வீட்டுக்கு செல்வதற்காக லிப்டுக்கு சென்றார். அப்போது அங்கு நின்ற மாணவர்களும் லிப்டில் ஏற வந்தனர். உடனே இஷா அவர்களிடம் நீங்கள் முதலில் செல்லுங்கள், நான் அடுத்து வருகிறேன் என்றார்.

ஆனால் மாணவர்கள் இருவரும் இஷாவையும் லிப்டுக்குள் தள்ளி அவர்களும் ஏறிக் கொண்டனர். லிப்டு மேலே செல்லும் போது இவரும் இஷாவின் கையை பிடித்து இழுத்து சில்மிஷம் செய்து பலாத்காரம் செய்ய முயன்றனர். ஆனால் இஷாவால் எதுவும் செய்ய முடியவில்லை. மேல் தளத்தில் லிப்டு திறந்ததும் கத்தி கூச்சல் போட்டார். உடனே பக்கத்து வீட்டுக்காரர்கள் ஓடி வந்தனர். அவர்கள் மாணவர்கள் இருவரையும் பிடித்து கொண்டனர்.

பின்னர் மறைமலைநகர் போலீசுக்கு தகவல் தெரிவித்து மாணவர்கள் சரத்குமார், சந்தன்குமார் இருவரையும் போலீசில் ஒப்படைத்தனர். போலீசார் அவர்கள் மீது பலாத்கார முயற்சி, பெண்கள் வன்கொடுமை சட்டம் ஆகிய பிரிவின் கீழ் வழக்குபதிவு செய்து கைது செய்தனர்.

English summary
Two students arrested for trying to rape a girl in inside the lift in Chennai, pothery.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X