• search
For Quick Alerts
ALLOW NOTIFICATIONS  
For Daily Alerts

செட்டிநாடு சாப்பாடு, தலைவாழை இலை விருந்து.. அடடா... தமிழ்நாட்டை புகழ்ந்து தள்ளும் நியூயார்க் டைம்ஸ்!

|

சென்னை: 2016ம் ஆண்டு பார்க்க வேண்டிய உலகின் முக்கிய இடங்களின் வரிசையில் தமிழ்நாட்டுக்கு 24வது இடத்தைக் கொடுத்துள்ளது நியூயார்க் டைம்ஸ் பத்திரிகை. இந்தியாவிலேயே தமிழகம் மட்டும்தான் இந்தப் பட்டியலில் இடம் பிடித்துள்ளது என்பது குறிப்பிடத்தக்கது.

தமிழகத்தின் கலை, கலாச்சாரம், பண்பாடு, தொன்மை ஆகியவற்றையும் நியூயார்க் டைம்ஸ் வெகுவாகப் புகழ்ந்து பாராட்டியுள்ளது.

அது மட்டுமல்லாமல், தமிழகத்தின் வரலாறு, ருசியான சாப்பாடு, கோவில்கள் ஆகியவை குறித்தும் சிலாகித்து எழுதியுள்ளது நியூயார்க் டைம்ஸ். இந்தப் பத்திரிகையின் கடந்த ஆண்டு பட்டியலில் சென்னைக்கு மட்டும் இடம் கிடைத்திருந்தது குறிப்பிடத்தக்கது.

நியூயார்க் டைம்ஸ்

நியூயார்க் டைம்ஸ்

உலகப் புகழ் பெற்ற ஆங்கில இதழ்களின் வரிசையில் இருப்பது நியூயார்க் டைம்ஸ்.. இந்த இதழ் வருடா வருடம் ஜனவரி மாதத்தில் இந்த ஆண்டு கண்டிப்பாக போக வேண்டிய நாடுகள்,. நகரங்கள் என்று ஒரு பட்டியலை வெளியிட்டு வருகிறது.

2016ல் கண்டிப்பாக போக வேண்டிய இடம்

2016ல் கண்டிப்பாக போக வேண்டிய இடம்

அந்த வரிசையில் தற்போது 2016ம் ஆண்டு போயாக வேண்டிய இடங்களின் பட்டியலை அது வெளியிட்டுள்ளது. அதில் இந்தியாவிலிருந்து தமிழ்நாடு மட்டுமே இடம் பெற்றுள்ளது.

24வது இடத்தில் தமிழ்நாடு

24வது இடத்தில் தமிழ்நாடு

மொத்தம் 52 இடங்களை அது பட்டியலிட்டுள்ளது. அதில் 24வது இடத்தில் தமிழ்நாடு வருகிறது என்பது குறிப்பிடத்தக்கது. தமிழ்நாட்டைப் பற்றி அது புகழ்ந்தும் எழுதியுள்ளது.

கலாச்சாரங்களின் மாநிலம்

கலாச்சாரங்களின் மாநிலம்

தமிழகம் குறித்து அது கூறுகையில், இந்தியாவின் மிகப் பெரிய கலாச்சார சங்கமம் தமிழ்நாடு. இந்த மாநிலத்தின் சில நகரங்கள் மிகச் சிறியவையாக இருந்தாலும் கூட மிகப் பெரிய கலாச்சாரத்தைப் பின்னணியாகக் கொண்டவையாகும்.

கோவில்கள்

கோவில்கள்

தமிழகத்தின் மிகப் பெரிய கலாச்சார உதாரணம் கோவில்கள்தான். செட்டிநாடு அதன் மற்றொரு பெருமை. இங்கு கிட்டத்தட்ட 50க்கும் மேற்பட்ட கிராமங்கள் உள்ளன. இந்தக் கிராமங்களில் 18வது நூற்றாண்டில் கட்டப்பட்ட மிகப் பிரமாண்டமான அரண்மனை வீடுகள் இன்றும் உள்ளன.

தலைவாழை இலை சாப்பாடு

தலைவாழை இலை சாப்பாடு

தமிழகத்தின் இன்னொரு பெருமை அதன் சாப்பாடு. தலைவாழை இலையில் சாப்பாடு பரிமாறி சாப்பிடுகிறார்கள். செட்டிநாடு சமையல் இன்னும் சிறப்பானது.

மதுரை

மதுரை

மதுரை மீனாட்சி அம்மன் கோவில் குறித்தும் இந்த கட்டுரையில் புகழாரம் சூட்டப்பட்டுள்ளது. உலகிலேயே அதிக அளவிலான கோபுரங்களைக் கொண்டது மதுரை மீனாட்சி அம்மன் கோவில்தான் என்று அதில் புகழப்பட்டுள்ளது.

கடந்த ஆண்டு சென்னை

கடந்த ஆண்டு சென்னை

கடந்த ஆண்டு பட்டியலில் சென்னை மாநகரம் இந்தப் பட்டியலில் இடம் பிடித்திருந்தது என்பது நினைவிருக்கலாம். இந்த முறை ஒட்டுமொத்தத் தமிழ்நாடும் இடம் பெற்றுள்ளது.

 
 
 
English summary
New York Times has listed Tamil Nadu as must-visit places in 2016 in its latest story.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X