மாணவர்களுக்கு பைத்தியகாரத்தனமான நீட் விதிமுறைகள்... இன்னும் விடாமல் முட்டுக் கொடுக்கும் தமிழிசை

மாணவர்கள் மீது சிபிஎஸ்இ விதித்த விதிமுறைகளை தமிழிசை சௌந்தரராஜன் இன்னும் விடாமல் நியாயப்படுத்தி வருகிறார்.

By Lakshmi Priya

Updated: Tuesday, May 8, 2018, 14:56 [IST]

மாரடைப்பால் மரணம்

இதையடுத்து தமிழக மாணவர்கள் வெளிமாநிலங்களில் தேர்வு எழுத முன்பதிவு டிக்கெட் கிடைக்காமல் நின்று கொண்டும், கழிப்பறையிலும் பயணம் செய்த அவலம் நடந்தேறியது. மேலும் எர்ணாகுளத்தில் தேர்வு எழுத சென்ற போது தமிழகத்தைச் சேர்ந்த மாணவர் கஸ்தூரி மகாலிங்கத்தின் தந்தை கிருஷ்ணசாமி மாரடைப்பால் உயிரிழந்தார்.

சிபிஎஸ்இ அதிகாரிகள்

கிருஷ்ணசாமி எர்ணாகுளத்துக்கு வந்ததால் மன உளைச்சல் காரணமாக அவர் உயிரிழந்துள்ளார். இது பெரும் சர்ச்சையை ஏற்படுத்தியுள்ளது. மேலும் கடலூரிலும், மதுரையில் இரு மாணவிகளின் தந்தைகளும் மாரடைப்பால் உயிரிழந்துவிட்டனர். இது ஒரு புறமிருக்க மாணவர்களை தீவிரவாதிகளை போல் சிபிஎஸ்இ அதிகாரிகள் சோதனை செய்தது பெற்றோர் மனதை வாட்டி வதைத்தன.

ஏன்இத்தனை கெடுபிடிகள் என்கிறீர்களே?தொழில்நுட்பத்தை வைத்து யாரோ செய்யும்தவறுகளால். ஒருவருக்கு மருத்துவம் படிக்க இடம் கிடைத்தால் நியாயமாக தேர்வு எழுதிய குழந்தையின் வாய்ப்பு பறிக்கப்பட்டுவிடக்கூடாது என்பதற்காகத்தானே?அத்தனை விதிமுறைகளும் அகிலஇந்தியா அளவில் ஏற்கனவேஅறிவித்ததுதானே?
— Dr Tamilisai Soundararajan (@DrTamilisaiBJP) May 7, 2018

நியாயத்துக்காகவே

இந்த சூழலிலும் நீட் தேர்வுக்கு விதித்த கெடுபிடிகளை நியாயப்படுத்துகிறார் தமிழிசை சௌந்தரராஜன். இதுகுறித்து அவர் தனது டுவிட்டர் பக்கத்தில் கூறுகையில் ஏன் இத்தனை கெடுபிடிகள் என்கிறீர்களே? தொழில்நுட்பத்தை வைத்து யாரோ செய்யும்தவறுகளால் ஒருவருக்கு மருத்துவம் படிக்க இடம் கிடைத்தால் நியாயமாக தேர்வு எழுதிய குழந்தையின் வாய்ப்பு பறிக்கப்பட்டுவிடக்கூடாது என்பதற்காகத்தானே?அத்தனை விதிமுறைகளும் அகிலஇந்தியா அளவில் ஏற்கனவே அறிவித்ததுதானே? என்று கேட்டுள்ளார்.

தேர்வு வருகை நேரம் உடை அணிகலன். கட்டுப்பாடு தடைசெய்யப்பட்ட பொருட்கள்பட்டியல் அனைத்தும் அறிவிக்கப்பட்டவையே.இந்தியா முழுமைக்கும் அதேகட்டுப்பாடுகள்தான்.இவையெல்லாம் ஏன்?யாரும் குறுக்கு வழியில் தேர்வாகி விடக்கூடாது என்பதற்காகத்தான்?பாடுபட்டு படித்துவரும் திறமையானவர்கள்மட்டுமே ஜெயிக்க!
— Dr Tamilisai Soundararajan (@DrTamilisaiBJP) May 7, 2018

திறமையானவர்கள் ஜெயிக்க...

மற்றொரு டுவீட்டிலும் அவர் கூறுகையில் தேர்வு வருகை நேரம், உடை அணிகலன் கட்டுப்பாடு தடைசெய்யப்பட்ட பொருட்கள் பட்டியல் அனைத்தும் அறிவிக்கப்பட்டவையே. இந்தியா முழுமைக்கும் அதே கட்டுப்பாடுகள்தான். இவையெல்லாம் ஏன்? யாரும் குறுக்கு வழியில் தேர்வாகி விடக்கூடாது என்பதற்காகத்தான்? பாடுபட்டு படித்துவரும் திறமையானவர்கள் மட்டுமே ஜெயிக்க! என்று வியாக்யானம் பேசியுள்ளார் தமிழிசை.