விருகம்பாக்கத்தில் இதுதான் தமிழிசையின் கதை

சென்னை: தமிழகம் முழுக்க பாஜகவை வளர்க்கப்போவதாக அரைகூவல் விடுத்த அக்கட்சியின் மாநில தலைவரான தமிழிசை சவுந்தரராஜன் விருகம்பாக்கம் தொகுதியில் 3வது இடத்துக்கு தள்ளப்பட்டுள்ளார்.

விருகம்பாக்கத்தில் போட்டியிட்டார் தமிழிசை. ஆனால் இந்த தொகுதியில் அதிமுகவின் விருகை ரவி முதலிடம் பிடித்தார். 2வது இடம் திமுகவின் தனசேகரனுக்கு கிடைத்தது.

கடைசியாக கிடைத்த தகவல்படி, 3வது இடத்துக்கு தள்ளப்பட்ட தமிழிசை பெற்ற வாக்குகள் 16158 என்ற அளவில் இருந்தது.

பாஜக நிலை குறித்து தமிழிசையிடம் கேட்டபோது, "பாஜக தேசிய தலைவர்கள் தமிழகம் வந்து பிரசாரம் செய்தது மகிழ்ச்சியளிக்கிறது. திராவிட கட்சிகளின் பண பலம், ஆள் பலத்தை மீறி தேசிய கட்சி ஒன்று, தமிழகத்தில் கால் பதிக்க முடியும் என்பதை நிரூபித்துள்ளோம்" என்றார்.

English summary

Tamilisai Soundrarajan of Bharatiya Janata Party gets 3rd place in Virugampakkam constituency.