இந்த ஹோட்டல் யாருக்காக.. சாப்பாடு யாருக்காக.. ??
சென்னை: ஆர்.கே. நகர் தொகுதிக்குட்பட்ட ஒரு இடத்தில் ஒரு ஹோட்டலில் கண்ணில் பட்ட படம் இது.
இன்று இடைத் தேர்தல் நடைபெறும் ஆர்.கே.நகர் தொகுதிக்குட்பட்ட திருவொற்றியூர் நெடுஞ்சாலையில் இந்த ஹோட்டல் உள்ளது.
வாட்ஸ் ஆப்பில் வந்த படம்.. ஹோட்டலுக்குள் ஒரு புத்தம் புதிய நோட்டீஸ் அறிவிப்பை வைத்துள்ளனர். இந்தப் பக்கம் ஜெயலலிதா - அந்தப் பக்கம் எம்.ஜி.ஆர். படங்கள்.
கீழே உள்ள வாசகம் இது
அம்மா சாப்பாடு
சாதம், சாம்பார், ரசம், மோர், கூட்டு, ஊறுகாய் ரூ. 30.. பார்சல் ரூ. 40 என்று அதில் போட்டுள்ளனர்.
சாதாரண நாட்களாக இருந்தால் இது சாமானியமாக பார்க்கப்பட்டிருக்கும். ஆனால் தற்போது இடைத் தேர்தல் காலம் என்பதால் இது வித்தியாசமாக பட்டது.
உங்களுக்கு இதில் ஏதாவது விசேஷம் மறைந்திருப்பதாக தெரிகிறதா...?
மலிவு விலை சாப்பாடு என்று மட்டும் தெரிகிறது. இது தேர்தல் பணியாற்றிய அதிமுகவினருக்கு மட்டும்தானா அல்லது எப்போதுமே இங்கு விலை இப்படித்தானா என்பது தெரியவில்லை.